Iradukunda Elsa wabaye Nyampinga w’u Rwanda 2017 yatawe muri yombi akurikiranyweho ibyaha byo gukoresha impapuro mpimbano no kubangamira iperereza.

Sponsored Ad

Miss Iradukunda Elsa yatawe muri yombi ku Cyumweru tariki 8 Gicurasi 2022, afungiye kuri Station ya RIB i Remera.

Bivugwa ko uyu mukobwa nyuma y’uko umuyobozi wa Rwanda Inspiration Backup itegura Miss Rwanda, Ishimwe Dieudonne [Prince Kid] afunzwe akurikiranyweho ihohoterwa rishingiye ku gitsina yakoreye abakobwa bitabiriye Miss Rwanda mu bihe bitandukanye, yagiye yegera bamwe mu bakobwa bitabiriye iri rushanwa akabandikisha urwandiko ruvuga ko nta hohoterwa bakorewe bakabisinyira bikanemezwa (notify) na noteri, ni mu rwego rwo kuvuguruza amakuru bari batanze.

Miss Iradukunda Elsa nawe yanditse ibaruwa igira iti “njyewe Iradukunda Elsa (Miss Rwanda 2017) ufite irangamuntu nimero (…). Nyuma y’amakuru avugwa kuri Ishimwe Dieudonne (Alias Prince Kid) ukekwaho ibyaha bifitanye isano n’ihihoterwa rishingiye ku gitsina yakoreye abakobwa bitabiriye amarushanwa ya Miss Rwanda, mbinyujije mu nyandiko mpakanye ko iryo hohoterwa ntaryo nakorewe ari mbere y’amarushanwa ndetse no mu marushanwa.”

“Ibihembo byose nasezeranyije ndetse n’umushahara byose nabihawe nta kiguzi na ruswa ntanze cyangwa nsabwe.”