Umubyeyi w’umuhanzi w’icyamamare Diamond Platnmuz yagaragaje umujinya ukomeye aterwa n’abakazana be bakomeje gushwana umunsi ku wundi bapfa umuhungu we ugejeje abana barenga batatu ashinjwa ko yabyaye mu gasozi.
Abakazana b’uyu musaza kugeza ubu umuhungu we yemeye kumugaragaro ni Hamisa Mobetto w’umwana umwe na Zari Hassan w’abana batanu.Aba bombi bakunze gushwanira mu maso ya rubanda bakanabinyuza ku mbuga nkoranyambaga.
Papa w’uyu muhanzi akaba yabasabye guhagarika intambara y’amagambo (…)

Umubyeyi w’umuhanzi w’icyamamare Diamond Platnmuz yagaragaje umujinya ukomeye aterwa n’abakazana be bakomeje gushwana umunsi ku wundi bapfa umuhungu we ugejeje abana barenga batatu ashinjwa ko yabyaye mu gasozi.

Abakazana b’uyu musaza kugeza ubu umuhungu we yemeye kumugaragaro ni Hamisa Mobetto w’umwana umwe na Zari Hassan w’abana batanu.Aba bombi bakunze gushwanira mu maso ya rubanda bakanabinyuza ku mbuga nkoranyambaga.

Papa w’uyu muhanzi akaba yabasabye guhagarika intambara y’amagambo bakomeje kwenyegeza.Mzee Abdhul washwanye na Nyina wa Diamond yasabye abakazana be gutuza bagategereza icyemezo Diamond azafata dore ko ngo yaba Zari cyangwa Hamisa nta numwe wigeze asezerana n’uyu muhanzi mu buryo bwemewe n’amategeko.

Ise wa Diamond
Yakomeje avuga ko yaba Zari ndetse na Hamisa bose bafite uburenganzira bumwe kuri Diamond bitewe n’uko bose bamubyariye kandi akaba nta numwe barasezerana,ngo nta numwe usumba undi kuko bombi bafitanye abana na Diamond.

Mu kiganiro yahaye ikinyamakuru Amani cyandikirwa muri Tanzaniya Abdhul,Papa wa Diamond yagize ati:”Ndasaba bariya bagore kureka kurwanira ku mbuga nkoranyambaga kuko bose bafite uburenganzira bungana imbere ya Diamond kuko nta numwe muri bo wari washyingiranwa na we(Diamond).

Ibyo bakomeje gukora simbikunda na gato rwose.Ndashaka ko bahagarika intambara barimo kuko umuhungu wanjye ari we uzihitiramo uzamubera umugore.Gusa Diamond ashobora no guhitamo kubarongora bombi kuko abyemererwa n’idini ya Islamu.Bityo rero nibubahane”.

Yabasabye gutuza bakareka umujinya wo gutuma abantu bamenya ibyabo aho yababwiye ko bakwiye kubahisha ababyeyi babo.

Abakazana bahora bashwana