Rihanna yahagaritse gukurikirana Jennifer Lopez ku rubuga rwa Instagram aramushinja kumutwara uwahoze ari umukunzi we, Drake.
Ibi bibaye nyuma y’uko ikinyamakuru Tmz cyanditse ko Drake ari mu rukundo na Jennifer Lopez, ibintu byarakaje Rihanna binatuma ahagarika umubano we na Jennifer Lopez.
Nyuma y’iminsi bavugwa mu rukundo, Drake na Jennifer Lopez bongeye gushyira hanze amafoto agaragaza umubano udasanzwe ari nabyo byatumye bongera kugaruka mu b’itangazamakuru.
Dailymail yanditse ko (...)

Sponsored Ad

Rihanna yahagaritse gukurikirana Jennifer Lopez ku rubuga rwa Instagram aramushinja kumutwara uwahoze ari umukunzi we, Drake.

Ibi bibaye nyuma y’uko ikinyamakuru Tmz cyanditse ko Drake ari mu rukundo na Jennifer Lopez, ibintu byarakaje Rihanna binatuma ahagarika umubano we na Jennifer Lopez.

Nyuma y’iminsi bavugwa mu rukundo, Drake na Jennifer Lopez bongeye gushyira hanze amafoto agaragaza umubano udasanzwe ari nabyo byatumye bongera kugaruka mu b’itangazamakuru.

Dailymail yanditse ko Rihanna wavuzwe mu rukundo na Drake mu ntangiriro za 2016, yamenye ko Drake yinjiye mu rukundo na Jennifer ahita afata umwanzuro wo guhagarika umubano na Jennifer ndetse anahagarika kongera kumukurikirana [unfollow]ku rukuta rwa Instagram.

Mu mwaka wa 2009 nibwo Drake yatangiye kuvugwa mu rukundo na Rihanna. Icyo gihe Rihanna yari inshuti ikomeye y’umuhanzi Chris Brown ariko byavuzwe ko Rihanna yajyaga asohokana na Drake mu ibanga rikomeye.

Umubano wihariye hagati ya Jennifer Lopez na Drake watumye Rihanna ahagarika gukurikira ku rubuga rwa Instagram uyu muhanzikazi mugenzi we.

Jennifer Lopez ukomeje kuvugwaho gukundana na Drake arusha imyaka 17, azwi cyane nk’umuririmbyi, umukinnyi wa filime, umuhanzi w’imideli, yanakoze ibiganiro bitandukanye kuri televiziyo zikomeye muri Leta Zunze Ubumwe za Amerika. Mu buzima bwe nk’icyamamare yakunze kuvugwaho gukundana n’abagabo benshi.

Mu 1997 yashakanye byemewe n’amategeko na Ojani Noa batandukana mu mwaka wakurikiyeho, muri 2001 yahise arushinga n’uwitwa Cris Judd batandukana hashize imyaka ibiri, nyuma y’aba bagabo babiri batigeze barambana, muri 2004 Jennifer Lopez yahise arushinga n’umuririmbyi Marc Anthony, muri 2012 basabye gatanya iza kwemerwa muri 2014.

Rihanna na Jennifer Lopez basanzwe ari inshuti ku buryo yamuhaye impano y’inkweto

Uyu muririmbyikazi yanakundanye n’ibindi byamamare birimo Ben Affleck, Wesley Snipes, Tommy Mottola, David Cruz n’abandi. Mu minsi ya vuba uyu Jennifer Lopez bakunze kwita JLo yacanye umubano n’umusore w’imyaka 29 witwa Casper Smart bakundanaga kuva mu myaka 5 ishize.