Kizigenza mu gukina filimi uzwi cyane mu z’Igihinde,Shah Rukh Khan yatunguye abakunzi be kubera ibyamuvuzweho ko yagize isoni zo kwerekana inda ye mu gufatwa amashusho y’indirimbo yitwa Jhoome Jo Pathaan,izasohoka mu gihinde cyitwa Pathaan azashyira hanze mu mpera z’Ukwezi kwa Mbere 2023.
Shah Rukh Khan uzwi nka SRK,amaze imyaka irenga 20 akina filimi z’Igihinde ndetse yakinnye uduce twinshi turimo n’utugoye cyane yambaye ubusa n’ibindi.
Muri iyi ndirimbo ya kabiri iri muri iyi filimi (…)

Kizigenza mu gukina filimi uzwi cyane mu z’Igihinde,Shah Rukh Khan yatunguye abakunzi be kubera ibyamuvuzweho ko yagize isoni zo kwerekana inda ye mu gufatwa amashusho y’indirimbo yitwa Jhoome Jo Pathaan,izasohoka mu gihinde cyitwa Pathaan azashyira hanze mu mpera z’Ukwezi kwa Mbere 2023.

Shah Rukh Khan uzwi nka SRK,amaze imyaka irenga 20 akina filimi z’Igihinde ndetse yakinnye uduce twinshi turimo n’utugoye cyane yambaye ubusa n’ibindi.

Muri iyi ndirimbo ya kabiri iri muri iyi filimi yasohotse ejo,Shah Rukh Khan yabyinanaga n’umugore basanzwe bakinana cyane Deepika Padukone.

Muri iyi ndirimbo yasabwe kubyina yambaye ubusa hejuru ariko kubera ko yakoze umubiri cyane ngo byamuteye isoni nkuko uwafashe amashusho yabitangaje.

Uwari ushinzwe kwigisha kubyina aba bakinnyi muri iyi ndirimbo Jhoome Jo Pathaan, witwa Bosco Martis yavuze ko SRK byamugoye kwambara ubusa hejuru kubera isoni.

Ngo yari afite isoni ryinshi mu gufata amashusho y’iyi ndirimbo.Yagize ati "Nta gushidikanya ko aya ari amwe mu mafoto meza cyane nshyize kuri Instagram yanjye.Ndi umunyamahirwe kuba nafashe iyi foto,ndabizi ko wari ufite isoni tuyifata.Wari unafite amasoni yo kwerekana umubiri [abs] Sir.N’umwanya w’agaciro kuri njye mu buzima bwanjye bwose......"

Mu kiganiro n’abanyamakuru Bosco yemeje ko SRK yari afite isoni ryinshi ryo kwerekana umubiri we wazuyeho imirongo [abs] ku nda kubera siporo nyinshi ariko ngo nyuma yo kuyishyira hanze yishimiye ko bafashe ayo mashusho.

Jhoome Jo Pathaan ni indirimbo ya kabiri yasohotse mu zizaba ziri muri Filimi Pathaan nyuma y’iyitwa Besharam Rang.

Pathaan ni filimi itegerejwe na benshi kubera ibihangange biyirimo nka Shah Rukh Khan, Deepika Padukone na John Abraham.Izasohoka kuwa 25 Mutarama 2023.