Ange Kagame n’umugabo we, Betrand Ndengeyingoma, bari mu bitabiriye igitaramo cy’imideli cyabaye mu iserukiramuco rya ‘Giants of Africa’ cyagaragayemo imyambaro y’abahanzi b’imideli bakomeye muri Afurika, mu gihe Tekno Miles uri mu bakunzwe muri Nigeria yatunguranye aririmbira abari ahabereye igikorwa.

Ni mu gitaramo cyiswe ‘Threads of Africa Fashion Show’, cyakozwe mu kwizihiza umuco Nyafurika, cyabaye ku wa Kane tariki 31 Nyakanga 2025.

Herekaniwemo imyambaro y’abahanzi b’imideli bamaze kubaka izina muri Afurika barimo Umunya-Cameroon, Hortense Mbea wamenyekanye nka Afropian, Alia Baré wo muri Niger ndetse n’Umunyarwanda Nyambo Masa Mara.

Iki gitaramo cyabaye mu masha y’umugoroba, cyatangijwe n’itsinda ry’ababyinnyi ryitwa Indaro, ririmo abana babyina bya Kinyarwanda ndetse babihuza n’imbyino zigezweho.

Aba bana bavuye ku rubyiniro Sonia Iraguha ukunze gukoresha amazina ya Lady Bicu wari uyoboye ibirori, ahita ahamagara umuhanzi Nel Ngabo ngo asusurutse abitabiriye. Uyu muhanzi yaririmbye indirimbo ze zamenyekanye zirimo ‘1,2,3’, ‘Solo’, ‘Byakoroha’ ndetse na Zoli.

Nyuma ye, Sonia Iraguha yahise abaza abitabiriye niba biteguye kwihera ijisho imyambaro y’abahanzi b’imideli batandukanye, nta kuzuyaza ahamagara Hortense Mbea wamenyekanye nka Afropian. Imyambaro y’uyu mugore yerekanywe irimo iy’abagore n’abagabo.

Yakurikiwe na Alia Baré wo muri Niger. Abanyamideli berekanye iyi myambaro binjiriye mu ndirimbo ya Angélique Kidjo yamamaye yitwa ‘Agolo’.

Alia Baré yifashishije abanyamideli barimo abamaze igihe kinini muri aka kazi nka Ariane Uwimana, wari mu bakobwa bahataniye ikamba rya Nyampinga w’u Rwanda 2016, akaza kwegukana umwanya w’umukobwa uzi kubana neza n’abandi; Sekamana Eric n’abandi batandukanye. Yifashishije abanyamideli 16.

Nyambo Masa Mara niwe wasoje muri iki cyiciro cyo kwerekana imideli. Ni imyambaro yerekanye iherekejwe n’amashusho agaragaza ibibazo Abanyafurika bagiye bahura nabyo, birimo kugirirwa urwango kwimwa agaciro bakwiriye nk’abantu n’ibindi.

Abamurikaga imideli bafashaga Masa Mara basoje kwiyerekana, Jacqueline Happy Umurerwa wamenyekanye mu ruganda rw’imideli mu myaka irenga 15 ishize; nawe yaje ku rubyiniro ashimisha benshi bitewe n’intambuko ye idasanzwe ndetse n’uburyo yifotozagamo.

Alyn Sano yahise ahamagarwa ku rubyiniro, aho yagiye ari kumwe n’abasore babiri bamufashaga kubyina. Yaririmbye indirimbo ze zirimo ‘Mwiza’, ‘Bohoka’ na ‘Head’.

Alyn Sano asoje kuririmba Masai Ujiri yahise afata ijambo, arangije ati “Ndashimira u Rwanda, ngashimira umugore wanjye [Ramatu Ujiri]. Abahanzi b’imideli berekanye imyambaro yabo baratangaje. Reka mbabwire ikintu kimwe Afurika iri gutera imbere cyane, kandi imbere hari impinduka nyinshi zizazanwa n’urubyiruko rwayo.”

Akiri ku rubyiniro Masai Ujiri yahise atungurwa n’umuhanzi w’Umunya-Nigeria Augustine Miles Kelechi Okechukwu wamenyekanye nka Tekno Miles, wagiyeho yahishe isura, ariko yamara gusuhuzanya na Masai Ujiri agahita yiyereka abari bitabiriye.

Tekno yahise akomeza aririmba indirimbo ze zamamaye zirimo ‘Go’, ‘Diana’, ‘Skeletun’, ‘Wash’, ‘Duro’, ‘Buga’ yakoranye na Kizz Daniel, ‘Pana’ ndetse na ‘Rara’ yasorejeho.

Ni ku nshuro ya mbere hari habaye igitaramo cy’imideli muri Giants of Africa Festival iri kubera mu Rwanda ku nshuro ya kabiri, nyuma y’aho yaherukaga mu 2023. Iy’uyu mwaka yatangiye tariki 26 Nyakanga ikaba izasozwa tariki 2 Kanama 2025.

Ange Kagame n’umugabo we ubwo bageraga ahabereye iki gitaramo
Masai Ujiri n’umugore we, Ramatu Ujiri ubwo bageraga ahabereye iki gitaramo
Junior Giti n’umugore we bakurikiye uko igitaramo kigenda
Dylan Kabaka (ubanza ibumoso), Chriss Eazy, Kevin Kade n’umujyanama we, Serge Muhizi ni bamwe mu bari bitabiriye
Ange Kagame n’umugabo we, Betrand Ndengeyingoma bari bizihiwe no gukurikira ibi birori by’imideli byabereye bwa mbere mu Rwanda
Afropian yerekanye imyambaro ye irimo iy’abagabo n’abagore
Imyambaro ya Afropian ubwo yerekanwaga
Imyambaro ya Masa Mara Nyambo yerekanwe muri iki gitaramo
Jacqueline Happy Umurerwa wamenyekanye mu ruganda rw’imideli mu myaka irenga 15 ishize, yahawe umwanya ariyerekana
Itsinda ry’abana biyise Indaro ryashimishije abitabiriye
Nel Ngabo na Ishimwe Clement watangije KINA MUSIC imureberera inyungu bakurikiye igitaramo ubwo yari asoje gutaramira abari bitabiriye
Sherrie Silver n’umushoramari w’Umunya-Ghana, Fred Swaniker ni bamwe mu bitabiriye iki gitaramo cy’imideli
Sekamana Eric ni umwe mu bagaragaye berekana imyambaro ye Alia Baré wo muri Niger
Umuhanzi w’imideli, Sonia Mugabo (wa kabiri uturutse iburyo) n’umuvandimwe we, Teddy Mugabo (wa mbere iburyo) bishimiye iki gitaramo
Ubwo Masai Ujiri yaganirizaga abari bitabiriye
Umunyamabanga wa Leta muri Minisiteri y’Urubyiruko n’Iterambere ry’Ubuhanzi, Umutoni Sandrine (wambaye imyambaro y’umukara) ni umwe mu bari bitabiriye
DJ Higa niwe wacuranze muri iki gitaramo
Nel Ngabo yataramiye abari bitabiriye
Alyn Sano ni umwe mu bahanzi bake babashije kuririmba mu bitaramo bya Giants of Africa
Tekno ni umwe mu baririmbyi bakundirwa ubuhanga bwe mu kuririmba no kubyina
Tekno yaririmbye indirimbo ze zakunzwe

Ange Kagame n’umugabo we, Betrand Ndengeyingoma, bari mu bitabiriye igitaramo cy’imideli cyabaye mu iserukiramuco rya ‘Giants of Africa’ cyagaragayemo imyambaro y’abahanzi b’imideli bakomeye muri Afurika, mu gihe Tekno Miles uri mu bakunzwe muri Nigeria yatunguranye aririmbira abari ahabereye igikorwa.
Ni mu gitaramo cyiswe ‘Threads of Africa Fashion Show’, cyakozwe mu kwizihiza umuco Nyafurika, cyabaye ku wa Kane tariki 31 Nyakanga 2025.

Herekaniwemo imyambaro y’abahanzi b’imideli bamaze kubaka izina muri Afurika barimo Umunya-Cameroon, Hortense Mbea wamenyekanye nka Afropian, Alia Baré wo muri Niger ndetse n’Umunyarwanda Nyambo Masa Mara.

Iki gitaramo cyabaye mu masha y’umugoroba, cyatangijwe n’itsinda ry’ababyinnyi ryitwa Indaro, ririmo abana babyina bya Kinyarwanda ndetse babihuza n’imbyino zigezweho.

Aba bana bavuye ku rubyiniro Sonia Iraguha ukunze gukoresha amazina ya Lady Bicu wari uyoboye ibirori, ahita ahamagara umuhanzi Nel Ngabo ngo asusurutse abitabiriye. Uyu muhanzi yaririmbye indirimbo ze zamenyekanye zirimo ‘1,2,3’, ‘Solo’, ‘Byakoroha’ ndetse na Zoli.

Nyuma ye, Sonia Iraguha yahise abaza abitabiriye niba biteguye kwihera ijisho imyambaro y’abahanzi b’imideli batandukanye, nta kuzuyaza ahamagara Hortense Mbea wamenyekanye nka Afropian. Imyambaro y’uyu mugore yerekanywe irimo iy’abagore n’abagabo.

Yakurikiwe na Alia Baré wo muri Niger. Abanyamideli berekanye iyi myambaro binjiriye mu ndirimbo ya Angélique Kidjo yamamaye yitwa ‘Agolo’.

Alia Baré yifashishije abanyamideli barimo abamaze igihe kinini muri aka kazi nka Ariane Uwimana, wari mu bakobwa bahataniye ikamba rya Nyampinga w’u Rwanda 2016, akaza kwegukana umwanya w’umukobwa uzi kubana neza n’abandi; Sekamana Eric n’abandi batandukanye. Yifashishije abanyamideli 16.

Nyambo Masa Mara niwe wasoje muri iki cyiciro cyo kwerekana imideli. Ni imyambaro yerekanye iherekejwe n’amashusho agaragaza ibibazo Abanyafurika bagiye bahura nabyo, birimo kugirirwa urwango kwimwa agaciro bakwiriye nk’abantu n’ibindi.

Abamurikaga imideli bafashaga Masa Mara basoje kwiyerekana, Jacqueline Happy Umurerwa wamenyekanye mu ruganda rw’imideli mu myaka irenga 15 ishize; nawe yaje ku rubyiniro ashimisha benshi bitewe n’intambuko ye idasanzwe ndetse n’uburyo yifotozagamo.

Alyn Sano yahise ahamagarwa ku rubyiniro, aho yagiye ari kumwe n’abasore babiri bamufashaga kubyina. Yaririmbye indirimbo ze zirimo ‘Mwiza’, ‘Bohoka’ na ‘Head’.

Alyn Sano asoje kuririmba Masai Ujiri yahise afata ijambo, arangije ati “Ndashimira u Rwanda, ngashimira umugore wanjye [Ramatu Ujiri]. Abahanzi b’imideli berekanye imyambaro yabo baratangaje. Reka mbabwire ikintu kimwe Afurika iri gutera imbere cyane, kandi imbere hari impinduka nyinshi zizazanwa n’urubyiruko rwayo.”

Akiri ku rubyiniro Masai Ujiri yahise atungurwa n’umuhanzi w’Umunya-Nigeria Augustine Miles Kelechi Okechukwu wamenyekanye nka Tekno Miles, wagiyeho yahishe isura, ariko yamara gusuhuzanya na Masai Ujiri agahita yiyereka abari bitabiriye.

Tekno yahise akomeza aririmba indirimbo ze zamamaye zirimo ‘Go’, ‘Diana’, ‘Skeletun’, ‘Wash’, ‘Duro’, ‘Buga’ yakoranye na Kizz Daniel, ‘Pana’ ndetse na ‘Rara’ yasorejeho.

Ni ku nshuro ya mbere hari habaye igitaramo cy’imideli muri Giants of Africa Festival iri kubera mu Rwanda ku nshuro ya kabiri, nyuma y’aho yaherukaga mu 2023. Iy’uyu mwaka yatangiye tariki 26 Nyakanga ikaba izasozwa tariki 2 Kanama 2025.

Ange Kagame n’umugabo we ubwo bageraga ahabereye iki gitaramo

Masai Ujiri n’umugore we, Ramatu Ujiri ubwo bageraga ahabereye iki gitaramo

Junior Giti n’umugore we bakurikiye uko igitaramo kigenda

Ange Kagame n’umugabo we, Betrand Ndengeyingoma bari bizihiwe no gukurikira ibi birori by’imideli byabereye bwa mbere mu Rwanda

Afropian yerekanye imyambaro ye irimo iy’abagabo n’abagore

Imyambaro ya Afropian ubwo yerekanwaga

Nel Ngabo yataramiye abari bitabiriye

Alyn Sano ni umwe mu bahanzi bake babashije kuririmba mu bitaramo bya Giants of Africa

Tekno ni umwe mu baririmbyi bakundirwa ubuhanga bwe mu kuririmba no kubyina

Tekno yaririmbye indirimbo ze zakunzwe