Umuhanzikazi w’icyamamare mu njyana ya Afrobeats, Tiwa Savage yatangaje amagambo yavugishije benshi ku mbuga nkoranyambaga nyuma yo gutanga igitekerezo cye ku bagabo b’Abanya-Nijeriya mu kiganiro Thoughts in a Culli cy’urusobe rwa GRM Daily.

Sponsored Ad

Tiwa Savage, uzwiho kugira uburere butuma adatangaza cyane ibyiyumvo bye, yavuze ko nubwo abagabo b’Abanya-Nijeriya bafite uburyo bwo kwambara bugezweho kandi bakagira umutima wo gutanga, ngo ntabwo bakunda kugaragaza urukundo mu buryo bwimbitse.

Yagize ati: “Abagabo b’Abanya-Nijeriya bamenya kwambara neza kandi bagakoresha amafaranga menshi, ariko sinshaka ibyo gusa. Si abantu b’amarangamutima nyayo.”

Uyu muhanzikazi wamenyekanye mu ndirimbo Somebody’s Son yongeyeho ko nubwo abagabo b’Abanya-Nijeriya baba batanga, we ashaka kurushaho kubona umuntu ufite urukundo rwimbitse n’ubushobozi bwo kumwereka amarangamutima atari ukurata umutungo gusa.