Uburanga bw’Abakobwa 119 bahatanira Miss World 2016 (Amafoto)

Ni kunshuro ya 66, Miss World 2016 iri kuba, biteganyijwe ko izasozwa kuwa 18 Ukuboza 2016 mu birori bizabera kuri Gaylord National Resort & Convention Center mu Mujyi wa Washington, D.C.
Ni irushanwa ryitabiriwe n’abakobwa 119 bakomoka mu bihugu bitandukanye byo ku isi. Kuva bagerayo bakoze ibikorwa bitandukanye birimo gusura abana batagira ababyeyi; bakorewe ibirori bikomeye byo kwakirwa mu mujyi wa Washington, buri wese yerekanye impano yibitseho ndetse baza no kurushanwa mu gutegura (...)

Ni kunshuro ya 66, Miss World 2016 iri kuba, biteganyijwe ko izasozwa kuwa 18 Ukuboza 2016 mu birori bizabera kuri Gaylord National Resort & Convention Center mu Mujyi wa Washington, D.C.

Ni irushanwa ryitabiriwe n’abakobwa 119 bakomoka mu bihugu bitandukanye byo ku isi. Kuva bagerayo bakoze ibikorwa bitandukanye birimo gusura abana batagira ababyeyi; bakorewe ibirori bikomeye byo kwakirwa mu mujyi wa Washington, buri wese yerekanye impano yibitseho ndetse baza no kurushanwa mu gutegura amafunguro.

Tugusubize inyuma gato kuva irushanwa ritangiye kugeza ubu:

Miss Mutesi Jolly yageze mu Mujyi wa Washington muri Leta zunze ubumwe za Amerika, ahari kubera irushanwa kuwa Gatandatu tariki ya 26 Ugushyingo 2016. Ku munsi wa mbere w’irushanwa, habayeho kwibwirana kwabitabiriye irushanwa nyuma y’aho mu ijoro ryo kuwa 27 Ugushyingo uyu mwaka, haba igikorwa gikomeye cyo kwerekana impano aho hatoranyije abakobwa 21 b’abankempano ‘talent audition’. kurusha abandi, mu batoranyijwe Mutesi Jolly ntawurimo.

Ku gicamunsi cyo kuwa Gatanu tariki ya 2 Ukuboza 2016, Miss Mutesi Jolly na bagenzi be bari muri Miss World basuye abana 112 barerwa n’umuryango udaharanira inyungu mu kigo cya US Dream Academy. Aba bana [bari hagati y’imyaka 8-17] barimo imfubyi, abafite ababyeyi bari muri gereza n’abandi bakuwe ku mihanda

Ku gicamunsi cyo kuwa 30 Ugushyingo 2016, Mutesi Jolly na bagenzi be batemberejwe ibice bigize inyubako ya Capitol Building [benshi bayita Capitol Hill] ikoreramo Inteko Ishinga Amategeko ya Leta Zunze Ubumwe za Amerika.

Ikinyamakuru Umuryango.rw twagerageje kugusanyiriza amafoto y’abakobwa bahatanira iri kamba ry’ubwiza ku isi ndetse munsi y’ifoto hagaragaraho amazina ndetse n’idarapo ry’igihugu akomokamo.

Mutesi Jolly [I bumoso] ni we waserukiye u Rwanda ku nshuro ya mbere.

Afurika ihagarariwe n’ibihugu 21 barimo Cote ‘Ivoire, Misiri, Uganda, Repubulika Iharanira Demokarasi ya Congo, Botswana, Equatorial Guinea, Ethiopia, Ghana, Guinea, Guinea-Bissau, Kenya, Lesotho, Mauritius, Madagascar, Nigeria, Seychelles, Sierra Leone, Afurika y’Epfo, Sudani y’Epfo, Tanzania n’u Rwanda. Umunya-Espagne Mireia Lalaguna niwe wegukanye ikamba rya Miss World 2015.

AMAFOTO MENSHI YA BANYAMPINGA: