Mbarushimana Paul Maurice benshi bazi nka Maurix Baru muri muzika Nyarwanda umaze kubaka izina mu njyana ya Classic, yashyize hanze indirimbo yise ’Range’ yageneye abakunzi be muri iyi minsi mikuru isoza umwaka wa 2016.
Uyu muhanzi yamenyekanye mu ndirimbo nka ’Mama ndakuririmbira’ muri 2013, ni umwanditsi w’indirimbo akaba umuhanga rurangiranwa mu gucuranga Piano. Indirimbo ’Range’ yashyize hanze iri mu njyana ibyinitse kuburyo ijyanye n’iyi minsi mikuru ndetse n’abakunda gusohoka akaba ari (...)

Sponsored Ad

Mbarushimana Paul Maurice benshi bazi nka Maurix Baru muri muzika Nyarwanda umaze kubaka izina mu njyana ya Classic, yashyize hanze indirimbo yise ’Range’ yageneye abakunzi be muri iyi minsi mikuru isoza umwaka wa 2016.

Uyu muhanzi yamenyekanye mu ndirimbo nka ’Mama ndakuririmbira’ muri 2013, ni umwanditsi w’indirimbo akaba umuhanga rurangiranwa mu gucuranga Piano. Indirimbo ’Range’ yashyize hanze iri mu njyana ibyinitse kuburyo ijyanye n’iyi minsi mikuru ndetse n’abakunda gusohoka akaba ari umwanya wabo.

Yabwiye Umuryango.rw ko yatekereje gukora iyi ndirimbo muri iyi minsi mikuru nk’impano yageneye abakunda ibihagano bye. Ati "Nabonye ko bikwiye ko mu minsi mikuru nkorera abantu indirimbo ibyinitse cyane kugira ngo bazarusheho kwishima."

Anavuga ko iyi ndirimbo igomba kumufasha gukomeza urugendo rwe mu muziki yatangiye. Yagize ati "Ni indirimbo nifuza ko igomba kumfasha gukomeza umuziki wanjye neza mu buryo buhoraho."

Indirimbo ’Range ’ yayigeneye abakunzi be muri iyi minsi mikuru

Maurix Baru usanzwe utunganya indirimbo mu nzu itunganyamuzika izwi nka ’Maurix Music’ avuga ko yihaye intego yo kwagura muzika akora indirimbo mu buryo bw’umwihariko. Range ’ni indirimbo y’ibyishimo mu birori byose abantu bashobora kuzajya bayifashisha."

Yabaye umuyobozi wa Salus Populi ubwo yigaga muri Kaminuza ya Butare.Yacuranze indirimbo z’abahanzi nka Rider Man, Tom Close, Urban Boys n’abandi.

Umuhanzi Maurice ni umucaranzi ukomeye wa Piano

Muri muzika, ngo ubuhanga afite mu gucuranga yagiye abukura mu matorero ya muzika atandukanye ngo bwatumye acurangira abahanzi bakomeye barimo Mesach Semakula wo muri Uganda.Yacuranze kandi mu ndirimbo ya Nirere Shanel yitwa “Ndagukunda” yakoranye na Semakula, Maurix Baru.

Kanda hano uyumve:
https://youtu.be/HFbpw5o5qtI