Nkusi Arthur wari uherutse gusezera kuri Kiss FM yamaze gusimbuzwa Gentil Gedeon Ntirenganya watangiye akazi mu gitondo cyo kuri uyu wa Mbere tariki 3 Mutarama 2021.

Sponsored Ad

Uyu munsi kuwa mbere tariki 03 Mutarama 2022 mu kiganiro Kiss Breakfast nibwo mu buryo butunguranye Radio Kiss Fm itangaje ko yamaze kubona umusimbura wa Arthur Nkusi umaze iminsi asezeye.

Babinyujije ku rubuga rwabo rwa Facebook niho bitunguranye Radio Kiss FM itangaje ko Umunyamakuru wahoze akorera Kt Radio, Gentil Gedeon ariwe wasimbujwe Arthur Nkusi.

Bati” Waramutse! Waramutse! Waramutse! Dufatanye guha ikaze Gentil Gedeon tuzajya tubana mu kiganiro Kiss Breakfast hamwe na Sandrine Isheja.”

Uyu munyamakuru amenyerewe mu biganiro mbarankuru atambutsa kuri YouTube ye bwite, akaba yaramenyekanye cyane mu cyitwa ’Inyanja twogamo’ cyamamaye cyane kuri Kigalitoday.

Kugeza ubu Gentil Gedeon yatangiye gukorana na Sandrine Isheja mu kiganiro Breakfast cyari gisanzwe kimenyerewemo Nkusi Arthur.

Nkusi Arthur wasimbuwe na Gentil Gedeon we, kugeza ubu ntaratangaza gahunda nshya agiyemo, cyane ko amaze iminsi mu biruhuko ari gukorana n’umugore we muri Zanzibar.

Ntirenganya Gentil Gedeon yamenyekanye kuri Radio Salus yakozeho akiga muri Kaminuza y’u Rwanda, nyuma anyura mu bitangazamakuru nka Radio10&TV10 na Kigali Today.