skol
Fortebet

Umunyarwandakazi wa mbere utwara indege yakorewe ibirori byo gusezera ubukumi-AMAFOTO

Imyidagaduro   Yanditswe na: Iyamuremye Janvier 8 August 2017

Esther Mbabazi, umunyarwandakazi wa mbere wabashije kuba umupilote w’indege z’ubucuruzi akanabigeraho akiri umwana muto, yakorewe ibirori bya Bridal Shower n’urungano rwe mu kumwifuriza kuzagira urugo rwiza.

Uyu mukobwa agiye kurushinga n’umusore w’umunyamuziki uririmba mu itsinda rya Beauty For Ashes ndetse bamaze no gutangaza itariki y’ubukwe bwabo. Kuri uyu wa 7 Kanama 2017 Miss Kwizera Peace murumuna wa Esther Mbabazi, yanditse anashyira amafoto ku mbuga nkoranyambaga agaragaza ibirori bitibagirana bakoreye umuvandimwe we.

Uyu musore asanzwe aramucuranzi ukomeye mu itsinda rya Beauty For Ashes.

Esther Mbabazi n’umukunzi we Olivier Habiyaremye wo muri Beauty For Ashes bazarushinga tariki 16 Nzeri 2017. Miss kwizera [Igisonga cya mbere cya Miss Rwanda 2016] yanditse ‘ashimangira uburyo atewe ishema n’umuvandimwe we ugiye gusezera ubukumi akaba umugore’.

Yagize ati “Rwari urugendo rwiza rw’ubuzima kugira umuvandimwe nkawe. Wakoze byose mu buryo bukwiye. Ni wowe gisobanuro cy’umugisha, ndagukunda kurusha byose kandi nkwifurije ibyiza byose mu rugendo rushya.”

Hashize igihe gito uyu mukobwa yambitswe impeta

Aba bombi bagiye kurushinga nyuma y’igihe uyu musore na we abitangaje, agahamya ko arambiwe kuba wenyine kandi agahishura ko agiye kurongora uyu mupilote bakibanira ubuziraherezo.

Patient Bizimana, Aline Gahongayire na Esther [Uri i Bumoso] mu gitaramo cya Beauty for Ashes

Esther Mbabazi yabwiye ‘YEGO’ Olivier Habiyaremye nyuma y’imyaka itatu bari bamaze bakundana bisanzwe. Icyo gihe Olivier yanditse kuri Instagram anashyira hanze ifoto amwambika impeta, maze yandikaho amagambo agira ati: "Umukunzi wanjye yambwiye YEGO. Ndumva mu by’ukuri ndimo kurushaho kumukunda, iyi myaka itatu tumaranye yabaye urugendo rw’agatangaza mu rukundo rwacu. Ndambiwe kujya ntaha mu rugo njyenyine, ndambiwe za telefone z’umwanya munini tuvugana igicuku cyose. Esther Mbabazi ndagukunda kandi nshaka kugukunda kurushaho by’iteka... Ku mugaragaro mvuye ku isoko..."

Mbabazi Esther w’imyaka 28 ni umuvandimwe wa Nyampinga Kwizera Peace Ndaruhutse. Ni mwene David Ndaruhutse washinze Itorero rya Eglise Vivante mu Rwanda no mu Burundi. Avuka mu muryango ugizwe n’abantu basenga cyane, mu bana batanu avukana na bo, ni umwe muri babiri bize ibyo gutwara indege n’ubumenyi mu by’isanzure.

REBA AMAFOTO:





Ibirori bya ’Bridal Shower’ byahurije hamwe inshuri zo mu bwana

Impapuro z’ubutumire zageze hanze
Author : Iyamuremye Janvier

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Sheebah Karungi yagaragaje ko atigeze ashyigikira ihohoterwa Sandra Teta...

Umuhanzikazi Sheebah Karungi uri kubarizwa mu Rwanda yagaragaje agahinda...
12 August 2022 0

Nana avuze icyo abantu bakwiye kwitaho mbere yo kubana mu kwirinda...

Umukinnyi wa Filime Uwamwezi Nadege wamenyekanye nka Nana muri Filime...
12 August 2022 0

Social Mula nawe yavuze ku ihohoterwa rikorerwa abahanzi, yihaniza...

Umuhanzi Social Mula yunze murya @kenny_sol atangaza ko utegura ibitaramo...
11 August 2022 0

Nyuma y’iminsi Sandra Teta akorerwa ubuvugizi yatashye mu Rwanda

Nyuma y’iminsi havuzwe ko Ababyeyi ba Sandra Teta berekeje muri Uganda...
11 August 2022 0

Mu mafoto ihere ijisho uburanga bwa Umutesi Lea witabiriye Miss Rwanda...

Mu mafoto atandukanye ihere ijisho uburanga bwa Umutesi Lea witabiriye...
11 August 2022 0

Huye: Uwasambanyije umwana we kubera inzoga yahanishijwe igihano...

Umugabo wo mu Murenge wa Kibirizi mu Karere ka Nyanza, wari ukurikiranyweho...
11 August 2022 0