Umunyamakuru akaba n’umunyarwenya Rusine Patrick yifashishije indirimbo ya
King James uri mwiza atera imitoma umukunzi we adakunze kugaragaza yemwe habe na rimwe yigeze acikwa ngo amuvuge mu izina.

Sponsored Ad

Ifoto yuyu mukobwa Rusine yakoresheje imeze neza nkiyafotorewe ahantu hamwe
n’andi mafoto ya Rusine yashyize ku rubuga rwe rwa instagram ku itariki 27
Ukuboza 2022 ,ndetse ntagushidikanya bikaba bigaragara nkaho aba bombi
bagiranye ibihe byiza mu mpera z’umwaka ubwo bari i Kamembe.

Rusine ni umunyarwenya ubivanga n’itangazamakuru akorera kuri Kiss Fm , uyu
musore akaba asanzwe ari n’umukinnyi wa filime ,muri filime umuturanyi ya
Clapton Kibonge.

Uyu musore yinjiye mu bijyanye no gusetsa mu 2018 anyuze muri Seka Rising Star, irushanwa ryashakishaga abanyempano bashya bakundaga gutarama mu birori bya Seka Live na Seka Festival.

Rusine wari mu biganza bya Arthurnation, mu 2020 yaje guhura na Clapton Kibonge batangira gukorana muri sinema bahereye muri filime bise Umuturanyi, ariko izina rye ryarushijeho kwamamara ubwo bakoraga iyitwa ’Mugisha na Rusine’.

Biragoye ko muri iyi minsi hari uwategura igitaramo cy’urwenya agasohora impapuro zicyamamaza zitariho Rusine usigaye ari n’umunyamakuru wa Kiss FM.

Uyu musore ubusanzwe ni umunyeshuri muri Kaminuza y’u Rwanda ishami rya Huye, aho yiga ibijyanye n’imitekerereze ya muntu. Asigaje umwaka umwe ngo arangize icyiciro cya kabiri cya kaminuza.