skol
Kigali

Abafana b’Ubwongereza banyoye inzoga nk’abanywa amazi nyuma yo kugera ku mukino wa nyuma wa Euro 2020 [AMAFOTO]

Imyidagaduro   Yanditswe na: Dusingizimana Remy 8 July 2021

Hari hashize imyaka 55 Ubwongereza butazi uko umukino wa nyuma wa Euro usa ariko abasore b’umutoza Gareth Southgate baraye batsinze Denmark ibitego 2-1 muri ½ cy’irushanwa ry’uyu mwaka baha ibyishimo abafana b’iki gihugu kivuga ko cyavumbuye umupira.

Utubari twinshi mu mujyi wa London twaraye nta nzoga dusigaranye nyuma y’aho abafana ibihumbi banyoye inzoga nyinshi izindi barazimena bishimira intsinzi ya The Three Lions.

Nubwo utubari twungutse kubera umubare munini w’abafana baje kunywa inzoga,hari abantu barenga 20 baraye bafunzwe bazira kugira ibyishimo bibi bagasahinda.

Ibi ntabwo byari ibyishimo gusa byari ibirori bidasanzwe kuko guhera kuri Minisitiri Boris Johnson,Prince William,David Beckham,Wayne Rooney n’ibindi byamamare byari I Wembley kureba uyu mukino wagoye cyane Abongereza kugeza ubwo basunitswe bahabwa penaliti itavuzweho rumwe yabagejeje ku mukino wa nyuma.

Ubwongereza bwari bumaze gutsindirwa inshuro 6 mu mikino hakinwe iminota 120,bwatabawe na Harry Kane winjije penaliti ku munota wa 104 haboneka iyi ntsinzi y’amateka.

Denmark yari yabanje igitego ku munota wa 30 gitsinzwe na Mikkel Damsgaard kuri free kick hanyuma Ubwongereza bucyishyura Kjaer yitsinze.

Ubwongereza bwari bumaze iminota 691 butarinjizwa igitego ariko Denmark yahagaritse aka gahigo nijoro.

Ubwongereza buheruka igikombe icyo aricyo cyose mu mwaka wa 1966 ubwo bwatwaraga igikombe cy’isi nabwo bwakiriye.








Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

FC Barcelona igiye kuvugurura stade yayo kugira ngo izakire Abantu 110.000...

Perezida wa FC Barcelona, Joan Laporta yemeje iyi kipe izava ku kibuga cya...
18 October 2021 0

AS Kigali yakoreye amakosa i Kigali imbere ya DCMP yo muri RDC

Ikipe ya AS Kigali yakoze amakosa itsindirwa mu rugo na Darling Club Motema...
17 October 2021 0

Abafaransa batangaje umukinnyi wabo bifuza ko yatwara Ballon d’Or utari...

Ubushakashatsi bwakozwe na Odoxa bagatangazwa naKeneo na RTL,ku itsinda...
17 October 2021 0

Jurgen Klopp yemeje ko Mohamed Salah ariwe ’mukinnyi wa mbere mwiza’ ku...

Umutoza wa Liverpool Jurgen Klopp yavuze ko Mohamed Salah ari we mukinnyi...
17 October 2021 0

Mauro Icardi wa PSG biravugwa ko amerewe nabi cyane n’umugore...

Umugore uzwi cyane ku mbuga nkoranyambaga kubera amashusho yambaye ubusa...
17 October 2021 0

Umwe mu bakinnyi ba Manchester United yanenze imitoreze ya Ole

Umukinnyi wo hagati,Paul Pogba,yashyize igitutu ku mutoza we, Ole Gunnar...
17 October 2021 0