skol
Kigali

Abafana ba Rayon Sports babyukiye ku biro by’ikipe kuganira na Perezida wabo ku hazaza h’ikipe

Imyidagaduro   Yanditswe na: Dusingizimana Remy 2 August 2021

Itsinda ry’abafana ba Rayon Sports barenga 15 biganjemo abazwi nk’aba hooligans barimo Rwarutabura,Nkundamace,Malaika n’abandi, baramukiye ku biro byayo biri ku Kimihurura bashaka guhura na komite y’ikipe iyobowe na Jean Fidèle Uwayezu kugira ngo bahane ibitecyerezo ku hazaza h’iyi kipe.


Nyuma yo kurangiza ku mwanya wa 7 muri shampiyona ishize ndetse ikipe igatakaza abakinnyi bayo barimo Mugisha Gilbert n’abandi barimo Rugwiro Herve,aba bafana barashaka kubaza Perezida w’ikipe ahazaza hayo.

Aba bafana bivugwa ko bahuriye ku ibagiro I Nyabugogo bahujwe n’umukire ufana Rayon Sports ku munsi w’ejo,barangije banoza umugambi wo kubyukira ku biro by’ikipe kujya kubaza komite ku kazoza k’ikipe.

Komite ya Rayon Sports yaramukiye mu nama yo kwiga ku buzima bw’ikipe ari naho aba bafana babasanze ndetse byitezwe ko Perezida Uwayezu aganira nabo.

Rayon Sports ntihagaze neza ku isoko ryo kugura no kugurisha abakinnyi ririmbanyije mu Rwanda,kuko uretse kuzana umutoza Masudi Djuma nta bakinnyi bakomeye iragura.

Abafana ba Rayon Sports basembuwe cyane no kugenda kwa Mugisha Gilbert ndetse n’umukinnyi witwaye neza mu mwaka ushize Nishimwe Blaise nawe agiye kwerekeza muri APR FC ku buntu.

Icyakora,aba bafana baje ku Kimihurura bafite ibahasha irimo miliyoni 2 FRW zo kwishyura Blaise amafaranga yo kumugura.

Rayon Sports iheruka igikombe cya shampiyona mu mwaka w’imikino 2018-2019 yasubiye hasi cyane kuko nta mukinnyi ukomeye ucyifuza kuyerekezamo bigakubitiraho ko isigaye ihora mu bukene budashira nubwo itabarwa n’uruganda SKOL rimwe na rimwe.

Kugeza ubu ikipe ya Rayon Sports ntabwo iragura abakinnyi ku buryo abafana bayo bemeranya na komite ahanini bahera ku musaruro iyi kipe yabaga ifite mu myaka ishize.

Bamwe mu bafana baganiriye n’itangazamakuru ku Kimihurura bashimangiye ko batishimye ndetse bifuza ko Perezida abaha ibisobanuro ndetse abereke aho ikipe igana cyane ko urebesheje amaso atari heza mu gihe hatagira igihinduka.

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Aubameyang amerewe nabi n’abafana ba Arsenal kubera ibyo aheruka...

Kapiteni w’ikipe ya Arsenal, Pierre-Emerick Aubameyang, yateye umujinya...
4 December 2021 0

"Reka dukomeze tuzamure iyi mibare duce agahigo kose gashoboka" -Cristiano...

Umunyabigwi mu mupira w’amaguru Cristiano Ronaldo yaraye akoze agahigo ko...
3 December 2021 0

Se wa Lionel Messi yasubije abarimo Cristiano Ronaldo bibasiye umuhungu...

Se wa Lionel Messi, Jorge, yafashe icyemezo cyo gusubiza abibasiye uyu...
3 December 2021 0

APR FC yerekeje muri Maroc iri kumwe na kapiteni wayo Tuyisenge

APR FC irahaguruka mu Rwanda kuri uyu wa Gatanu, yerekeza muri Maroc gukina...
3 December 2021 0

Umutoza yishimiye igitego cyo ku munota wa nyuma bimuviramo...

Ku munsi w’ejo, umupira w’amaguru wa Misiri watakaje umunyabigwi witwa Adham...
3 December 2021 0

Lionel Messi yasabwe gusenya Hoteli ye nziza cyane [AMAFOTO]

Iki cyumweru,kizigenza Lionel Messi ari kuvugwa cyane kubera kwegukana...
3 December 2021 0