skol
Kigali

Abakinnyi ba PSG bahishuye ibyiza bitatse u Rwanda bifuza kuzaza gusura

Imyidagaduro   Yanditswe na: Dusingizimana Remy 12 June 2021

Abakinnyi ba PSG barimo Alesandro Florenzi, Ángel Di María, Moïse Kean, Abdou Diallo, Rafinha, Sarabia na Danilo, biciye mu mashusho,batangaje ko bifuza kuza mu Rwanda bakareba ibyiza nyaburanga birutatse.


Ibi aba bakinnyi babitangaje binyuze mu butumwa bw’amashusho bwashyizwe ku mbuga nkoranyambaga z’iyi kipe, ndetse na Visit Rwanda.

Aba bakinnyi bavuze ko bishimiye ibyiza by’u Rwanda banavuga ibice by’iki gihugu bifuza kuzaruhukiramo n’aho bifuza kuzatemberana ubwo bazaba bageze mu Rwanda.

Angel di Maria yatangaje ko yifuza gusura amashyamba arimo na Pariki ya Nyungwe, urusobe rw’ibinyabuzima, n’ibindi byiza bitatse u Rwanda, ndetse anatangaza ko yifuza kuba yazana mu Rwanda na Neymar Jr cyangwa Marquinhos.

Umutaliyani Alessandro Florenzi, yatangaje ko yifuza gusura amashyamba, ariko by’umwihariko ishyamba rya Pariki ya Nyungwe, akifuza kuba yaba ari kumwe na Leandro Paredes.

Moise Kean, yatangaje ko yifuza kumenya byinshi ku muco nyarwanda, agasura n’aho abami babaga batuye, ndetse akanirebera inka nyarwanda zizwi nk’inyambo.

Uyu mukinnyi yavuze ko yifuza kuzaza mu Rwanda ari kumwe na Mitchel Bakker cyangwa Thilo Kehrer, akaba yanasura inyamaswa akunda cyane “Ingagi zo mu misozi”.

Pablo Sarabia, we yifuza kureba ibyiza bitatse u Rwanda ari muri kajugujugu, akabasha guhura n’ingagi zo mu birunga.

Danilo Pereira ukomoka muri Portugl, yatangaje ko yifuza gutembera mu Rwanda n’igare, akareba ingagi zo mu birunga, akifuza kandi na we kuzana na Neymar Jr.

Diallo yavuze ko yifuza kureba Inyambo zo mu Rwanda, akanamenya byinshi ku bami ba kera ndetse n’uko babagaho aho bari batuye, akaba yifuza kuzazana na Pablo Sarabia, Moise Kean cyangwa se Idrissa Gana Gueye.

Rafinha Alcantra we yifuza gusura u Rwanda akanarara mu ihema, akabasha kwirebera ingagi zo mu birunga, akaba yifuza kuzazana n’umunya-Brazil Neymar Jr.

Mu Ukuboza 2019, nibwo Ikigo cy’igihugu cy’iterambere ‘RDB’ binyuze muri gahunda ya ‘Visit Rwanda’ cyagiranye amasezerano y’imikoranire y’imyaka itatu n’ikipe y’umupira w’amaguru ya Paris-Saint Germain yo mu Bufaransa. Aya masezerano agamije kwamamaza ibyiza bitatse u Rwanda no gushishikariza abatuye isi kuza gusura u Rwanda.

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

FC Barcelona igiye kuvugurura stade yayo kugira ngo izakire Abantu 110.000...

Perezida wa FC Barcelona, Joan Laporta yemeje iyi kipe izava ku kibuga cya...
18 October 2021 0

AS Kigali yakoreye amakosa i Kigali imbere ya DCMP yo muri RDC

Ikipe ya AS Kigali yakoze amakosa itsindirwa mu rugo na Darling Club Motema...
17 October 2021 0

Abafaransa batangaje umukinnyi wabo bifuza ko yatwara Ballon d’Or utari...

Ubushakashatsi bwakozwe na Odoxa bagatangazwa naKeneo na RTL,ku itsinda...
17 October 2021 0

Jurgen Klopp yemeje ko Mohamed Salah ariwe ’mukinnyi wa mbere mwiza’ ku...

Umutoza wa Liverpool Jurgen Klopp yavuze ko Mohamed Salah ari we mukinnyi...
17 October 2021 0

Mauro Icardi wa PSG biravugwa ko amerewe nabi cyane n’umugore...

Umugore uzwi cyane ku mbuga nkoranyambaga kubera amashusho yambaye ubusa...
17 October 2021 0

Umwe mu bakinnyi ba Manchester United yanenze imitoreze ya Ole

Umukinnyi wo hagati,Paul Pogba,yashyize igitutu ku mutoza we, Ole Gunnar...
17 October 2021 0