Umusore Niyonshuti Adrien uri mu ikipe y’u Rwanda iri mu mikino y’Afurika,yatewe n’abajura bamena inzu ye bamwiba buri kimwe yavunikiye ubwo yari mu myiteguro yo guhagararira igihugu. Aba bajura bacunze atari mu rugo,bamena inzu ye niko kwinjira batwara ibintu byose uyu musore atunze birimo ibikoresho by’amagare bitandukanye yari yasizemo mbere yo kwerekeza mu Bugesera mu mwiherero.
Mu kiganiro yagiranye n’ikinyamakuru Ruhagoyacu,yagitangarije ko nubwo yakinnye ku munsi w’ejo ndetse (…)

Umusore Niyonshuti Adrien uri mu ikipe y’u Rwanda iri mu mikino y’Afurika,yatewe n’abajura bamena inzu ye bamwiba buri kimwe yavunikiye ubwo yari mu myiteguro yo guhagararira igihugu.

Aba bajura bacunze atari mu rugo,bamena inzu ye niko kwinjira batwara ibintu byose uyu musore atunze birimo ibikoresho by’amagare bitandukanye yari yasizemo mbere yo kwerekeza mu Bugesera mu mwiherero.

Mu kiganiro yagiranye n’ikinyamakuru Ruhagoyacu,yagitangarije ko nubwo yakinnye ku munsi w’ejo ndetse ikipe y’u Rwanda ikaba ikegukana umwanya wa kabiri,atari ameze neza kubera inkuru ibabaje yamenyeye mu mwiherero.

Yagize ati “Nkigera mu mwiherero,nasubiye mu rugo kureba bimwe mu bikoresho by’igare ryanjye nahasize, nsanga abajura bamennye inzu yanjye baranyiba ibikoresho byose. N’ubwo atari byiza kubisakuza mu Itangazamakuru ariko buriya nakinnye numva ntanameze neza nk’uko nabyifuzaga."

Adrien Niyonshuti yavuze ko aba bajura bamwibye kuwa gatandatu w’icyumweru gishize, ariko ngo kugeza ubu ntaramenya abo ari bo n’irengero ry’ibikoresho bye atatangaje urutonde rwabyo n’agaciro kabyo agenekereje mu mafaranga.

Niyonshuti araza gusiganwa umuntu ku giti cye (ITT)

Niyonshuti araza guhagararira u Rwanda mu irushanwa ryo gusiganwa n’ibihe umukinnyi ku giti cye (Individual Time Trial) rirakinwa kuri uyu wa kane tariki ya 15 Gashyantare,ku munsi wa kabiri wa shampiyona ya Afurika.