skol
Kigali

AFROBASKET2021: Umutoza w’u Rwanda yavuze impamvu ikomeye yatumye batsindwa na Guinea

Imyidagaduro   Yanditswe na: Dusingizimana Remy 31 August 2021

Nyuma y’uko u Rwanda rusezerewe mu gushaka ticket ya 1/4, Prince Ibeh umwe mu bakinnyi barwo yabwiye abanyamakuru ko nta mpamvu bafite batanga uretse kuba "byatunaniye gusa".


Guinea niyo iri inyuma ku rutonde rwa FIBA (21 muri Africa) mu yandi makipe y’ibihugu ari gukina iki gikombe cya Africa cya Basketball mu bagabo.

Ikipe y’u Rwanda yahabwaga amahirwe menshi mbere y’uyu mukino ariko Guinea yawutsinze ku manota 72 kuri 68.

Imbere ya Perezida Paul Kagame n’abafana benshi bayitizaga umurindi, "baraduhemukiye gutsindwa gutya" - Francine Umutoni wari waje kuri uyu mukino.

Umutoni yabwiye BBC ati: "Abafana ntako tutagize, ariko abakinnyi baradutengushye cyane, ntabwo bakinnye uko twari twiteze…ntakundi."

Kenny Gasana yatsinze amanota 28, Prince Ibeh atsinda amanota 10, nibo bonyine bagejeje ku mibare ibiri mu gitsindira u Rwanda, n’abandi bagerageje ariko kenshi bikanga.

Cheikh Sarr utoza u Rwanda yabwiye abanyamakuru ati: "Ndababaye cyane…twari dufite amahirwe, twari dufite ibisabwa byose ngo dutsinde uyu mukino ariko ndibaza ko twabuze kuguma ku ntego hamwe na hamwe.

"Twageze aho twitakariza icyizere duhusha bikabije amanota menshi yoroshye, twatakaje amanota arenga 20 yari kwinjira."

Prince Ibeh, umunya-Nigeria wahawe ubwenegihugu bw’u Rwanda, nawe avuga ko nta gisobanuro abakinnyi babona batanga.

Yagize ati: "Ntabwo ari igitutu, ni ukubura guhuza gusa, ibyo twagombaga gukora byatunaniye nta rwitwazo twatanga, byatunaniye gusa."

Guinea n’umuturanyi wayo

Ni ubwa mbere Guinea igeze muri 1/4 cy’igikombe cya Africa kuva mu 1962 ubwo cyakinwaga bwa gatanu mu Misiri.

Umutoza Zeljko Zecevic wayo yavuze ko batsinze u Rwanda kuko "twari twiteguye cyane mu mutwe".

Ati: "Nabwiye abakinnyi ko ubu ari ugutsinda cyangwa tugataha… Hari uwatekerezaga ko twakora ibi? Ntawe. Ubu rero bagomba kubyemera."

Muri 1/4 ku wa gatatu Guinea izakina n’igihugu gituranyi Cote d’Ivoire. Ku mutoza Zecevic si umukino mushya.

Ati: "Cote d’Ivoire ni ikipe tuziranye twahuriye no mu majonjora, tuzaba dukina nk’ubwa gatandatu mu mezi atandatu ashize. Aya rero ni amakipe aziranye neza."

BBC

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Abafaransa batangaje umukinnyi wabo bifuza ko yatwara Ballon d’Or utari...

Ubushakashatsi bwakozwe na Odoxa bagatangazwa naKeneo na RTL,ku itsinda...
17 October 2021 0

Jurgen Klopp yemeje ko Mohamed Salah ariwe ’mukinnyi wa mbere mwiza’ ku...

Umutoza wa Liverpool Jurgen Klopp yavuze ko Mohamed Salah ari we mukinnyi...
17 October 2021 0

Mauro Icardi wa PSG biravugwa ko amerewe nabi cyane n’umugore...

Umugore uzwi cyane ku mbuga nkoranyambaga kubera amashusho yambaye ubusa...
17 October 2021 0

Umwe mu bakinnyi ba Manchester United yanenze imitoreze ya Ole

Umukinnyi wo hagati,Paul Pogba,yashyize igitutu ku mutoza we, Ole Gunnar...
17 October 2021 0

Rayon Sports yamaze gusinyisha Muhire Kevin na Chrismar yakuye muri...

Ikipe ya Rayon Sports FC yatangaje ko yamaze gusinyisha Rutahizamu Chrismar...
16 October 2021 0

APR FC yigaragaje cyane mu mukino yanganyijemo na Etoile du...

Ikipe ya APR FC yahinyuje abatayigiraga icyizere inganya na Étoile Sportif...
16 October 2021 0