Amakipe menshi yo mu Bwongereza ari kurira kubera imvune nyinshi zirimo n’izikomeye zugarije abakinnyi bazo aho nka Man United na Newcastle barwaje abakinnyi 14 bo mu ikipe ya mbere.

Mu rutonde rugaragaza imvune zihari,amakipe 16 muri 20 afite imvune z’abakinnyi kuva kuri 7 kuzamura.

Ikipe yavunikishije abakinnyi bake ni Westham ifite batanu gusa.

Kugeza ubu,abakinnyi 196 bakina muri Premier League bari mu mvune zirimo n’izizamara igihe kinini.

Uyu mwaka w’imikino,imvune ziyongereyeho 15% ugereranyije n’izabaye mu myaka y’imikino 4 ishize.

Imvune zabaye nyinshi mu makipe yo mu Bwongereza ku buryo byageze aho amakipe asigaye avunikisha ababanza n’abasimbura babo ndetse n’abakina mu makipe mato.

Benshi bavuga ko abayobora Premier League bakwiye gutanga ikiruhuko cy’ibyumweru bike abakinnyi badakina,bagasubukura shampiyona.

Ibi biraturuka ko hari abakinnyi bakinnye igikombe cy’isi mu mpera z’umwaka ushize,bagaruka muri shampiyona nabwo ntibaruhuka hanyuma n’ikiruhuko bagiyemo kiba gito cyane.

Amakipe arimo n’ayo muri Espagne ari kuvunikisha imvune z’igihe kinini aho nka Barcelona yabuze Gavi uzagaruka mu mwaka w’imikino utaha.