skol
Kigali

Arsenal na Visit Rwanda bongereye amasezerano mashya

Imyidagaduro   Yanditswe na: Dusingizimana Remy 17 August 2021

Amakuru aravuga ko ikipe ya Arsenal yongereye amasezerano y’imyaka 4 n’ikigo cy’u Rwanda gishinzwe Iterambere "RDB" mu gukomeza kwamamaza gahunda ya "Visit Rwanda" nyuma y’uko ay’imyaka 3 basinyanye yarangiye.


Ibinyamakuru byo mu Bwongereza byatangaje ko basinye amasezerano y’imyaka 4 aho u Rwanda ruzishyura Arsenal miliyoni 40 z’amapawundi, ni ukuvuga miliyari zisaga gato 55 z’amafaranga y’u Rwanda.

Ibi bivuze ko amafaranga atiyongereye kuyo u Rwanda rwatangaga buri mwaka, kuko rwishyuraga miliyoni 10 z’amapawundi. Ntabwo RDB na Arsenal baratangaza ko impande zombi zongereye aya masezerano.

Amasezerano impande zombi zari zifitanye yarangiye muri Gicurasi 2021 ariko umwaka w’imikino utangira Arsenal icyamamaza "Visit Rwanda" aho byagaragaje ko aya masezerano yongerewe.

Muri Gicurasi 2018 nibwo u Rwanda rwasinye amasezerano ya mbere na Arsenal y’imyaka 3 yo kwamamaza ubukerarugendo bw’u Rwanda binyuze muri ‘Visit Rwanda’ aho Arsenal yemeye gushyira ku myambaro yayo ku kuboko kw’ibumoso ijambo ‘Visit Rwanda’ mu Kinyarwanda bivuze ngo ‘Sura u Rwanda’.

Perezida Kagame yavuze ko amasezerano u Rwanda rufitanye na Arsenal ndetse na PSG ashimishije ku ruhande ruhande rw’u Rwanda ndetse atanga umusaruro ku mpande zose.

Ati "Aya masezerano twayabonyemo inyungu nyinshi kandi biri gutanga umusaruro, haba ku ikipe ya Paris Saint Germain na Arsenal FC kandi turabyishimiye."

Mu ntangiriro z’umwaka wa 2020, RDB yatangaje ko mu mwaka wa mbere u Rwanda rukorana na Arsenal, rwinjije miliyoni 33£ mu gihe rwari rwiteze kubona miliyoni 28£ ndetse gukorana n’iyi kipe yo mu Bwongereza byongereye umubare wa ba mukerarugendo basura u Rwanda.

Ikigo cy’Igihugu cy’Iterambere (RDB) giherutse gutangaza ko kuva u Rwanda rutangiye gukorana na Arsenal binyuze muri Visit Rwanda mu mwaka ushize, kuri ubu ba mukerarugendo baza mu Rwanda bamaze kugera kuri miliyoni imwe na 700 ndetse cyizeye ko bazakomeza kwiyongera mu myaka iri imbere nyuma yo gutangira gukorana na Paris Saint-Germain.

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Bakame yasinyiye Police FC yemeye kumuhemba umushahara utubutse

Umunyezamu w’umunyabigwi mu Rwanda,Ndayishimiye Eric uzwi nka Bakame yasinye...
18 October 2021 0

FC Barcelona igiye kuvugurura stade yayo kugira ngo izakire Abantu 110.000...

Perezida wa FC Barcelona, Joan Laporta yemeje iyi kipe izava ku kibuga cya...
18 October 2021 0

AS Kigali yakoreye amakosa i Kigali imbere ya DCMP yo muri RDC

Ikipe ya AS Kigali yakoze amakosa itsindirwa mu rugo na Darling Club Motema...
17 October 2021 0

Abafaransa batangaje umukinnyi wabo bifuza ko yatwara Ballon d’Or utari...

Ubushakashatsi bwakozwe na Odoxa bagatangazwa naKeneo na RTL,ku itsinda...
17 October 2021 0

Jurgen Klopp yemeje ko Mohamed Salah ariwe ’mukinnyi wa mbere mwiza’ ku...

Umutoza wa Liverpool Jurgen Klopp yavuze ko Mohamed Salah ari we mukinnyi...
17 October 2021 0

Mauro Icardi wa PSG biravugwa ko amerewe nabi cyane n’umugore...

Umugore uzwi cyane ku mbuga nkoranyambaga kubera amashusho yambaye ubusa...
17 October 2021 0