Ikipe ya AS Kigali irahura na Kiyovu Sports kuri uyu wa Kabiri mu mukino w’umunsi wa 9 wa shampiyona idafite abakinnyi 6 igenderaho aho ishaka gukomeza kuyobora urutonde rwa shampiyona.
Iyi kipe y’umujyi wa Kigali yahuye n’uruva gusenya kuko imvune zayikozeho ndetse nta cyizere cyo kwigaranzura Kiyovu Sports ifite nubwo yagiye ku isoko uyu mwaka. Mu kiganiro umunyamabanga mukuru wa AS Kigali Nshimiye Joseph yagiranye na Ruhagoyacu dukesha iyi nkuru, yemeje aya makuru ndetse avuga ko ikipe (…)

Ikipe ya AS Kigali irahura na Kiyovu Sports kuri uyu wa Kabiri mu mukino w’umunsi wa 9 wa shampiyona idafite abakinnyi 6 igenderaho aho ishaka gukomeza kuyobora urutonde rwa shampiyona.

Iyi kipe y’umujyi wa Kigali yahuye n’uruva gusenya kuko imvune zayikozeho ndetse nta cyizere cyo kwigaranzura Kiyovu Sports ifite nubwo yagiye ku isoko uyu mwaka.
Mu kiganiro umunyamabanga mukuru wa AS Kigali Nshimiye Joseph yagiranye na Ruhagoyacu dukesha iyi nkuru, yemeje aya makuru ndetse avuga ko ikipe ye nubwo yugarijwe n’imvune baraza guhangana na Kiyovu banganya amanota 16 ku rutonde rw’agateganyo rwa shampiyona.

Yagize ati “Bate yapfushije umubyeyi we ubu aka kanya agiye iwabo. Radu afite imvune, Zidane yarabazwe, Savio ntabwo aragaruka, Ngama nibwo akiva iwabo gusoza ikiriyo nta myitozo myinshi aragira, na Rodriguez ntabwo arakira imvune yakuye i Cyangugu.”
Ku ruhande rwa Kiyovu sports,umukinnyi batizeye neza ni Mbogo Ally naho abandi bose barahari biteguye guhangana na AS Kigali kuko uratsinda uyu mukino arahita ayobora urutonde rwa shampiyona.

ikipe ya AS Kigali irakira Kiyovu Sports kuri uyu wa Kabiri guhera saa 15:30 kuri Stade ya Kigali i Nyamirambo.

Marines Fc vs Bugesera Fc (Stade Umuganda)

Sunrise Fc vs Kirehe Fc (Stade Nyagatare)

Espoir Fc vs Police Fc (Rusizi Stadium)

As Kigali vs SC Kiyovu (Stade Kigali)

Kuwa Gatatu

Mukura VS vs Gicumbi Fc (Stade Huye)

Etincelles Fc vs Rayon Sports (Stade Umuganda)

Kuwa Kane

Amagaju Fc vs APR FC (Nyagisenyi )

Remmy Dusingizimana