Kapiteni w’ikipe ya Rayon Sports Ndayishimiye Eric Bakame yatangaje ko we na bagenzi be bagiye muri Afurika y’Epfo gukora amateka bakagera mu matsinda ya CAF Champions League y’uyu mwaka. Bakame yatangaje ko we na bagenzi be bifuza gukora amateka
Mu kiganiro n’abanyamakuru Bakame yatangaje ko we na bagenzi be bifuza gukora amateka bakazakirirwa muri stade Amahoro cyangwa Stade ya Kigali aho kwakirwa muri petit stade nkuko byagenze ubwo basezereraga ikipe ya LLB. Mu mukino ubanza amakipe (...)

Sponsored Ad

Kapiteni w’ikipe ya Rayon Sports Ndayishimiye Eric Bakame yatangaje ko we na bagenzi be bagiye muri Afurika y’Epfo gukora amateka bakagera mu matsinda ya CAF Champions League y’uyu mwaka.

Bakame yatangaje ko we na bagenzi be bifuza gukora amateka

Mu kiganiro n’abanyamakuru Bakame yatangaje ko we na bagenzi be bifuza gukora amateka bakazakirirwa muri stade Amahoro cyangwa Stade ya Kigali aho kwakirwa muri petit stade nkuko byagenze ubwo basezereraga ikipe ya LLB.

Mu mukino ubanza amakipe yombi yanganyije 0-0

Yagize ati “Ni umukino uzaba ukomeye kuri buri ruhande kuko twese tuzaba dushaka gukomeza.Turashaka guhindura amateka kandi umugambi wacu nk’abakinnyi ba Rayon Sports ni uko tutazakirirwa muri stade ya Basket ahubwo baba ari benshi ku buryo twakwakirirwa kuri stade Amahoro cyangwa kuri Regional.Mu mukino ubanza twakinnye na Mamelodi twabonye ko byose bishoboka ,turifuza kwandika amateka muri Afurika y’Epfo bakamenya ko mu Rwanda hari ikipe ikomeye yitwa Rayon Sports.”

Bakame yatangiye imyitozo ku wa Kane nyuma y’imvune yagize ku mukino wa Marines FC yatumye asohoka mu kibuga atarangije umukino.

Rayon Sports irifuza gusezerera Mamelodi Sundowns

Rayon Sports izerekeza muri Afurika y’Epfo ku munsi w’ejo mu gitondo aho izagera muri Afurika y’Epfo ikaruhuka amasaha make yarangiza ikerekeza ku kibuga izakiniraho umukino wo ku Cyumweru saa 19h00.