Ikipe ya APR FC yemeje ko igiye kurangizanya n’abakinnyi babiri bakomoka muri Ghana bombi bakina mu kibuga hagati Seidu Dauda Yassif na Richmond Lamptey.

Sponsored Ad

Seidu Dauda Yassif ukina mu kibuga hagati yugarira, yari umukinnyi w’ikipe ya FC Samatex yegukanye igikombe aho uyu musore w’imyaka 23 bivugwa ko azamugendaho ashobora kugera kuri 250 000 000 Frw harimo n’azahabwa ikipe aturutsemo.

Uyu mukinnyi ukina mu kibuga hagati afasha ba myugariro [DM],yari agifite amasezerano y’imyaka 2 ndetse abanya Ghana bamufataga nka Thomas Partey w’ahazaza.

FC Samatex 1996, yatwaye shampiyona ya Ghana ishize,nyuma yo kurangiza ku mwanya wa mbere wa shampiyona n’amanota 61.

Uyu mukinnyi w’imyaka 23 yatsize ibitego bitatu,anatanga imipira 5 yavuyemo ibitego mu mikino 28 yakiniye Samartex.

Richmond Lamptey we akaba akina mu kibuga asatira ,aho yari mu bakinnyi 20 ikipe ya Asante Kotoko yarekuye ngo bishakire andi makipe nyuma y’uko itagize umwaka mwiza wa shampiyona.

Uyu musore wari na Visi Kapiteni w’iyi kipe yanegukanyemo shampiyona ya 2022, we bikaba bivugwa ko yatanzweho ibihumbi 150 $.

Aba bakinnyi bombi bategerejwe i Kigali muri iki cyumweru nkuko IGIHE kibitangaza.

Uyu Lamptey yari yahamagawe mu gikombe cya Afurika giheruka kandi akina imbere mu gihugu,ibintu bidakunze kubaho muri Ghana.

Yageze imvune mu mezi ashize gusa yaje gukira ndetse mu minsi ibiri araba ageze mu Rwanda.

Seidu Dauda Yussif arasinyira APR FC vuba