Ikipe ya Chelsea iri gushaka uko yagura rutahizamu ukomeye wa Newcastle, umunya-Suwede Alexander Isak w’imyaka 24 aho yaciwe miliyoni zirenga 115 z’amapawundi.

Sponsored Ad

Nubwo Newcastle yavugaga ko itazagurisha Isak,Chelsea irashaka kuyiha akayabo itasubizayo kuri uyu rutahizamu wigaragaje mu mwaka w’imikino ushize.

Ikinyamakuru Mail Sport kivuga ko cyumvise ko ibiganiro byamaze gutangira hagati y’amakipe yombi kugira ngo Chelsea yegukane Isak.

Chelsea yiyemeje kwishyura amafaranga aruta ayo yishyuye kuri Moises Caicedo yaguze mu mwaka ushize.

Isak yatsinze ibitego 25 mu mwaka w’imikino ushize,agaragaza ko ari umwe muri ba rutahizamu beza cyane i Burayi.Agaciro ke ku isoko kazikuba hafi kabiri,kabe miliyoni 63 z’amapawundi, Newcastle yamuguze muri Real Sociedad mu mpeshyi ya 2022.

Mu myaka y’imikino ibiri amaze kuri St James’ Park, Isak yatsinze ibitego 35 gusa byari kuba byinshi kurushaho iyo mu mwaka we wa mbere atavunika cyane.

Umutoza Eddie Howe yifuza kugumana Isak na Bruno Guimaraes,ariko ikipe ivuga ko icyambere ari ukubagurisha ku giciro kirenze.

Chelsea iri hafi gusinyisha umwana muto wa FC Barcelona,Marc Guiu,ariko irashaka kubonera umutoza mushya,Enzo Maresca,rutahizamu utyaye.

Newcastle yifuzaga kurekura Callum Wilson ikaguma Isak, mu gihe hari amakipe yo mu Bwongereza, mu Budage, na Arabia Sawudite yipfuza uyu rutahizamu w’Umwongereza w’imyaka 33.

Isak ashobora kwerekeza muri Chelsea aguzwe akayabo