Ibitego bya Diego Costa, Willian na Eden Hazard bifashije ikipe ya Chelsea kunyagira Manchester City bayisanze iwayo, ibitego 3-1 mu mukino w’umunsi wa 14 wa shampiyona.
Manchester City yihariye iminota ya mbere y’umukino ibona amahirwe atandukanye, ariko ntibabasha kuyabyaza umusaruro, aya arimo igitego cyatsinzwe na Fernandihno, ariko habayeho kurarira.
Mbere gato yuko amakipe yombi ajya kuruhuka, ku mupira wahinduwe na Navas, Gary Cahill yitsinze, Manchester City isoza igice cya mbere (...)

Sponsored Ad

Ibitego bya Diego Costa, Willian na Eden Hazard bifashije ikipe ya Chelsea kunyagira Manchester City bayisanze iwayo, ibitego 3-1 mu mukino w’umunsi wa 14 wa shampiyona.

Manchester City yihariye iminota ya mbere y’umukino ibona amahirwe atandukanye, ariko ntibabasha kuyabyaza umusaruro, aya arimo igitego cyatsinzwe na Fernandihno, ariko habayeho kurarira.

Mbere gato yuko amakipe yombi ajya kuruhuka, ku mupira wahinduwe na Navas, Gary Cahill yitsinze, Manchester City isoza igice cya mbere iyoboye umukino n’igitego 1-0.

Ku munota wa 59, Chelsea yishyuye igitego gitsinzwe na Costa ku mupira yahawe na Fabregas mu gihe Willian yatsinze igitego cyagaruye Chelsea imbere mu mukino ku munota wa 70, asize ba myugariro ba City.

Mu gihe Manchester City bari bakishakisha, bashaka igitego cyo kwishyura, ku munota wa 90, Chelsea yakoze contre-attaque yavuyemo igitego cya Eden Hazard, biba 3-1.

Manchester City yasoje umukino ari abakinnyi 9 mu kibuga, ni nyuma yaho Sergio Aguero wakoreye ikosa kuri Luiz na Fernandihno bahawe amakarita atukura mu minota y’inyongera.

Chelsea ikaba ikomeje kuyobora shampiyona n’amanota 34, irarusha amanota ane ikipe ya Manchester City na Liverpool.

Man City: Navas, Kolarov, Otamendi, Stones, Fernandinho, Gundogan, Silva, De Bruyne, Sane, Navas, Aguero

Chelsea: Courtois, Azpilicueta, David Luiz, Cahill, Moses, Kante, Fabregas, Alonso, Pedro, Diego Costa, Hazard.