Kuri uyu wa Gatatu taliki ya 14 Werurwe 2018 nibwo hateganyijwe umukino ukomeye wa 1/8 cya UEFA Champions League uza guhuza ikipe ya Real Madrid na PSG ku kibuga cya Santiago Bernabeu aho Cristiano Ronaldo yasabye abafana be umudiho mu gihe Zinedine Zidane yavuze ko Real Madrid y’iri joro iraba itandukanye n’imaze iminsi irwaza imitima abafana.
Real Madrid iheruka gutwara ibikombe 2 bya UEFA Champions League byikurikiranya,irashaka gusezerera ikipe ya PSG muri iki gikombe isigaranyemo (…)

Kuri uyu wa Gatatu taliki ya 14 Werurwe 2018 nibwo hateganyijwe umukino ukomeye wa 1/8 cya UEFA Champions League uza guhuza ikipe ya Real Madrid na PSG ku kibuga cya Santiago Bernabeu aho Cristiano Ronaldo yasabye abafana be umudiho mu gihe Zinedine Zidane yavuze ko Real Madrid y’iri joro iraba itandukanye n’imaze iminsi irwaza imitima abafana.

Real Madrid iheruka gutwara ibikombe 2 bya UEFA Champions League byikurikiranya,irashaka gusezerera ikipe ya PSG muri iki gikombe isigaranyemo amahirwe cyonyine dore ko irushwa amanota 17 na FC Barcelona muri La Liga ndetse yamaze gusezererwa muri Copa del Rey.

Cristiano Ronaldo yasabye abafana ba Real Madrid gufana bashishikaye ndetse bakaza kubafasha kwitwara neza muri uyu mukino yise uw’ingenzi.

Yagize ati “Kuri uyu wa Gatatu dufite umukino w’ingenzi cyane tuzahura n’ikipe ikomeye cyane.Icyo njye na bagenzi banjye tubasaba ni ukutuba hafi bishoboka kandi turi kumwe turaza kuba dukomeye.

Zinedine Zidane yatangaje ko nta gitutu ariho ndetse yemeza ko ikipe ya Real Madrid iri joro iraba itandukanye n’isanzwe ititwara neza aho yemeje ko barakora ibishoboka byose bagatsinda uyu mukino mu gihe Unai Emery utoza PSG, we yatangaje ko ikipe ye imaze iminsi yitegura uyu mukino ndetse bakuye isomo ku bitego 6 baheruka gutsindwa na FC Barcelona mu mwaka ushize.

Abakinnyi bashobora kubanza mu kibuga ku mpande zombi:
Real Madrid (4-3-3): Keylor Navas; Nacho Fernandez,Raphael Varane, Sergio Ramos, Marcelo; Toni Kroos, Casemiro,Luka Modric;Gareth Bale, Karim Benzema,Cristiano Ronaldo.

Abadahari:Dani Carvajal wahagaritswe,Vallejo na Dani Ceballos

Paris St Germain (4-3-3): Alphonse Areola;Dani Alves, Marquinhos,Thiago Silva, Yuri Berchiche;Marco Veratti,Lassana Diarra, Adrien Rabiot;Kylian Mbappe, Cavani, Neymar Jr.
Abadahari:Thiago Motta.