Ikipe ya Etincelles FC itsinze Rayon Sports igitego 1-0,mu mukino w’umunsi wa 9 wa shampiyona wabereye I Rubavu kuri stade Umuganda aho Rayon Sports yarangije umukino ari abakinnyi 10 nyuma yo guhabwa ikarita y’umuhondo ya kabiri kubera ikosa yakoreye umukinnyi wa Etincelles FC.
Nkuko bisanzwe,umukino uhuza Rayon Sports na Etincelles FC ntiworohera iyi kipe ifite abakunzi benshi mu Rwanda, kuko mbere y’uyu mukino yatsinze umukino umwe mu mikino 4 yaherukaga gukinira I Rubavu none itsinzwe (…)

Ikipe ya Etincelles FC itsinze Rayon Sports igitego 1-0,mu mukino w’umunsi wa 9 wa shampiyona wabereye I Rubavu kuri stade Umuganda aho Rayon Sports yarangije umukino ari abakinnyi 10 nyuma yo guhabwa ikarita y’umuhondo ya kabiri kubera ikosa yakoreye umukinnyi wa Etincelles FC.

Nkuko bisanzwe,umukino uhuza Rayon Sports na Etincelles FC ntiworohera iyi kipe ifite abakunzi benshi mu Rwanda, kuko mbere y’uyu mukino yatsinze umukino umwe mu mikino 4 yaherukaga gukinira I Rubavu none itsinzwe umukino wa 5 igitego kimwe ku busa cyatsinzwe na Mumbele Saiba Claude ku munota wa 83 w’umukino.
Ikipe ya Rayon Sports yagiye I Rubavu idafite abakinnyi buzuye nkuko bisanzwe kuko yari ifite abakinnyi 15 gusa ndetse ntibyayishobokeye kubona abakinnyi b’Abarundi 2 yari itegereje Kwizera Pierro na Nahimana Shassir bagombaga kuza kubafasha nyuma yo kuva muri CECAFA.

Ubwo umukino wari uri hafi kurangira,Manishimwe Djabel wari washyushye mu mutwe,yakubise inkokora umukinnyi wa Etincelles FC,birangira umusifuzi amuhaye ikarita ya kabiri y’umuhondo yavuyemo umutuku.

Rayon Sports igumye ku mwanya wa gatanu n’amanota 14 mu gihe Etincelles igeze ku mwanya wa gatandatu n’amanota 13.

Agashya kagaragaye muri uyu mukino ni ugutinza iminota kw’abakinnyi ba Etincelles FC aho byagoye umusifuzi kongera iminota kuko batindije myinshi ahitamo kongeraho 9 nayo itarangiye kuko yahisemo kurangiza umupira kuko yabonaga umwijima utangiye kuza.

Uretse Etincelles indi kipe yatsinze Rayon Sports uyu mwaka ni Bugesera

Ku rundi ruhande ikipe ya Mukura VS yashoboye kubona amanota 3 ku kibuga cyayo I Huye nyuma y’imyaka myinshi byarayinaniye aho yatsinze Gicumbi FC 2-0.
Abakinnyi babanje mu kibuga ku mpande zombi

Etincelles: Taiga, Gikamba, Akayezu Jean Bosco, Nahimana Isiaq, Kayigamba Jean Paul, Jumapili Iddy,
Nsengiyumva I. , Tuyisenge Hakim, Mumbele Saiba Claude, Nduwimana Michel na Niyonsenga Ibrahim

Rayon Sports: Bakame, Ange, Rutanga, Gaby, Faustin, Sefu, Nova, Yannick, Kone, Djabel, Caleb