Ikipe ya Etincelles FC yatsinze Rayon Sports ibitego 3-2,iyibuza gukomeza gushyira ikinyuranyo ku bo bahanganiye igikombe cya shampiyona iri kwegereza umusozo w’igice cyayo cya mbere.
Etincelles FC yaherukaga gutsinda Rayon Sports muri 2017,yayakiriye ku Muganda iyikubita ibitego 3-2 aho byose yabyinjije mu gice cya mbere ndetse inahusha penaliti.
Rugikubita,Etincelles yafunguye amazamu ku munota wa 2 ku gitego cyatsinzwe na Niyonsenga Ibrahim hanyuma ,Sumaila Moro ukomoka muri Ghana (…)

Ikipe ya Etincelles FC yatsinze Rayon Sports ibitego 3-2,iyibuza gukomeza gushyira ikinyuranyo ku bo bahanganiye igikombe cya shampiyona iri kwegereza umusozo w’igice cyayo cya mbere.

Etincelles FC yaherukaga gutsinda Rayon Sports muri 2017,yayakiriye ku Muganda iyikubita ibitego 3-2 aho byose yabyinjije mu gice cya mbere ndetse inahusha penaliti.

Rugikubita,Etincelles yafunguye amazamu ku munota wa 2 ku gitego cyatsinzwe na Niyonsenga Ibrahim hanyuma ,Sumaila Moro ukomoka muri Ghana ashyiramo ibindi bibiri birimo icyo ku munota wa 26 nicyo kuri penaliti yatsinze ku wa 38,nyuma y’aho Ndizeye Samuel yari agaruje umupira ukuboko mu rubuga rw’amahina.

Muri uyu mukino,Rayon Sports yari yaruhuye Onana ndetse yazanye mu izamu umunyezamu Ramadhan Kabwili uri gutukwa n’abakunzi bayo kubera uko yitwaye muri uyu mukino,kwayishegeshe cyane.

Mu gice cya Kabiri,Rayon Sports yagerageje kugabanya ikinyuranyo,itsinda ibitego 2 bya Rudasingwa Prince ku munota wa 70’ na Iraguha Hadji kuwa 90.

Abakinnyi n’abayobozi ba Rayon Sports barakariye umusifuzi wongeye ku mukino iminota 2 nyamara wagiye uhagarara kenshi.

Muri iyo minota,Etincelles FC yabonye indi penaliti ariko Sumaila Moro ayitera umutambiko ivamo.

Rayon Sports yateguye umukino uzakurikiraho wa APR FC itarawukina byayiviriyemo gutakaza amanota 3 y’uyu munsi wa 13 yari kuyigirira akamaro cyane.

Ku rundi ruhande,AS Kigali yanyagiye ibitego 4-0 Espoir FC ihita isatira uyu mukeba wayo Rayon Sports izakina na APR FC kuwa Gatandatu.

Imikino y’umunsi wa 13 yakinwe kuri uyu munsi isize ikinyuranyo cy’inota rimwe hagati ya Rayon Sports ya mbere na AS Kigali ya kabiri.

Ibitego bya AS Kigali byatsinzwe na Dusingizimana Gilbert 30’,Tchabalala 52’,79’ na Nyarugabo 72.

Ku munsi w’ejo,Tariki ya 10 Ukuboza 2022,Kiyovu Sports yatsinze igitego 1-0 Police FC cya Ssekisambu Erissa kuri penaliti, ni ku ikosa Pacifique yakoreye Bigirimana Abedi mu rubuga rw’amahina.

Uko imikino yose yagenze:

ETINCELLES FC 3-2 RAYON SPORTS

MUSANZE FC 0-1 GASOGI UTD

MUKURA VS 0-1 BUGESERA FC

SUNRISE FC 5-2 RWAMAGANA FC

Urutonde:

1. Rayon Sports 28 Pts
2. AS KIGALI 27 Pts
3. Kiyovu Sports 24 Pts
4. Gasogi United 22 Pts
5. APR FC 21 Pts (-1)