Ikipe ya FC Barcelona yatangaje ko yasinyishije bidasubirwaho Umuholandi w’imyaka 27, Memphis Depay,wari umaze igihe akinira ikipe ya Lyon mu Bufaransa.
Memphis warangije amasezerano muri Lyon yerekeje muri FC Barcelona gukorana na mwene wabo,Ronald Koeman uyitoza ndetse hashize umwaka wose bizwi ko uyu mukinnyi azerekeza muri iyi kipe.
Memphis abaye umukinnyi wa 3 iyi kipe y’Ubukombe muri Espagne isinyishije ku buntu nyuma ya Sergio Aguero na Eric Garcia bakinaga muri Manchester City.
Uyu (...)

Sponsored Ad

Ikipe ya FC Barcelona yatangaje ko yasinyishije bidasubirwaho Umuholandi w’imyaka 27, Memphis Depay,wari umaze igihe akinira ikipe ya Lyon mu Bufaransa.

Memphis warangije amasezerano muri Lyon yerekeje muri FC Barcelona gukorana na mwene wabo,Ronald Koeman uyitoza ndetse hashize umwaka wose bizwi ko uyu mukinnyi azerekeza muri iyi kipe.

Memphis abaye umukinnyi wa 3 iyi kipe y’Ubukombe muri Espagne isinyishije ku buntu nyuma ya Sergio Aguero na Eric Garcia bakinaga muri Manchester City.

Uyu rutahizamu yasinye imyaka 2 ndetse byitezwe ko azaza gufasha mu busatirizi bw’iyi kipe butagityaye nka kera.

Memphis aheruka gutangaza ko yifuza gukorana na Koeman ati "Ndashaka gukinira Ronald Koeman."

Uyu mutoza nawe yarabyemeje ati "Nashakaga kumugura mu kwezi kwa mbere,aramutse aje byaba ari byiza."

Uyu musore usanzwe ari n’Umuraperi yamenyekanye muri PSV,ubwo yayitsindiraga ibitego 50 mu mikino 124 muri 2011-2015.

Yaje kugurwa na Manchester United ntiyitwara neza kuko yayikiniye imikino 53 ayitsindira ibitego 7 gusa.Yahise yerekeza muri Lyon muri 2017.

Mu Bufaransa yaje kuzuka atsindira iyi kipe ibitego 76 anatanga imipira yavuyemo ibitego 55 mu mikino 178 aho yanagejeje iyi kipe muri 1/2 cya Champions League.

Amaze guhamagarwa inshuro 66 mu Buholandi, atsinda ibitego 27 birimo icyo aherutse gutsinda Austria muri Euro 2020.