Rutahizamu Gabriel Jesus akomeje kwereka amakipe ko Arsenal itamwibeshyeho nyuma yo kuyitsindira ibitego 3 bwa mbere mu mukino wabahuje na Sevilla mu gikombe cya Emirates Cup cyo kwitegura umwaka w’imikino ugiye kuza.
Muri uyu mukino Arsenal yatsinzemo ibitego 6-0 Sevilla,Jesus yagaragaje ko ari ku rwego rwo hejuru atsinda ibitego 3 [hat-trick] bituma Arsenal yagaragaje ko ishonje ibitego yongera igikombe cya Emirates kubyo imaze gutwara muri uku kwitegura shampiyona.
Ibi bibaye nyuma (...)

Sponsored Ad

Rutahizamu Gabriel Jesus akomeje kwereka amakipe ko Arsenal itamwibeshyeho nyuma yo kuyitsindira ibitego 3 bwa mbere mu mukino wabahuje na Sevilla mu gikombe cya Emirates Cup cyo kwitegura umwaka w’imikino ugiye kuza.

Muri uyu mukino Arsenal yatsinzemo ibitego 6-0 Sevilla,Jesus yagaragaje ko ari ku rwego rwo hejuru atsinda ibitego 3 [hat-trick] bituma Arsenal yagaragaje ko ishonje ibitego yongera igikombe cya Emirates kubyo imaze gutwara muri uku kwitegura shampiyona.

Ibi bibaye nyuma y’icyumweru itsinze Chelsea ibitego 4-0 mu mujyi wa Orlando itwara igikombe cya Florida.

Arsenal imaze gutsinda imikino ine yose imaze gukina mu kwitegura umwaka w’imikino aho yahereye kuri Nuremberg yerekeza muri Amerika naho iratsinda karahava.

Abafana ba Gunners bashishikajwe no kureba niba ikipe yabo ishobora gukomeza uwo muvuduko nyuma yo kunyagira uyu munsi iyi kipe yarangije ku mwanya wa kane muri LaLiga ubushize.

Mu mukino w’uyu munsi na Sevilla, Arsenal yatsinze ibitego bine mu minota 19 ya mbere y’umukino.

Yafunguye amazamu ibifashijwemo na Saka ku munota wa 10,Gabriel Jesus yatsinze icya kabiri ku wa 13,ashyiramo ikindi kuwa 15 hanyuma Bukayo Saka atsinda icya 4 kuwa 19.Igice cya mbere cyarangiye ari 4-0.

Mu gice cya Kabiri,Jesus yashyizemo icya 5 kuwa 77 mu gihe Eddie Nketiah yatsinze icya 6 ku munota wa 88 nyuma yo gusimbura Jesus.

Abakinnyi bashya ba Arsenal nka William Saliba na Oleksandr Zinchenko bahawe amashyi menshi n’abafana kubera uko bitwaye.

Mu mukino ufungura Premier League kuwa Gatanu,Arsenal izasura Crystal Palace imaze igihe kinini iyigora bikomeye ndetse mu mukino uheruka yabatsinze 3-0 muri shampiyona.

Abakinnyi nka Kieran Tierney, Emile Smith Rowe, Takehiro Tomiyasu na Fabio Vieira uheruka kugurwa muri FC Porto bafite imvune.

Ku ruhande,Manchester United yatsinzwe na Atletico Madrid igitego 1-0 mu mukino wo kwitegura ndetse umukinnyi wayo Fred ahabwa ikarita y’umutuku.

Muri iyi mikino yo kwitegura,Gabriel Jesus amaze gutsinda ibitego 7 birimo 2 yatsinze Nuremburg,icyo yatsinze Everton, Chelsea na 3 yatsinze Sevilla.