Umuyobozi w’Icyubahiro wa APR FC Gen. James Kabarebe yasuye iyi kipe I Shyorongi mbere y’uko yerekeza muri Tunisia gukina umukino wo kwishyura w’ijonjora ry’ibanze rya Total Energies CAF Champions League uzayihuza na US Monastir.
Umukino ubanza Ikipe y’Ingabo z’Igihugu yatsinze Monastir 1-0 cya Mugunga Yves.
Mu ijambo rye Umuyobozi w’Icyubahiro wa APR F.C,Gen.Kabarebe yabwiye abakinnyi ko yishimiye uko bitwaye mu mukino ubanza ndetse babategerejeho intsinzi mu wo kwishyura kandi bazi ko naho (...)

Sponsored Ad

Umuyobozi w’Icyubahiro wa APR FC Gen. James Kabarebe yasuye iyi kipe I Shyorongi mbere y’uko yerekeza muri Tunisia gukina umukino wo kwishyura w’ijonjora ry’ibanze rya Total Energies CAF Champions League uzayihuza na US Monastir.

Umukino ubanza Ikipe y’Ingabo z’Igihugu yatsinze Monastir 1-0 cya Mugunga Yves.

Mu ijambo rye Umuyobozi w’Icyubahiro wa APR F.C,Gen.Kabarebe yabwiye abakinnyi ko yishimiye uko bitwaye mu mukino ubanza ndetse babategerejeho intsinzi mu wo kwishyura kandi bazi ko naho bazitwara neza.

Yagize ati "Ikitugaruye hano ni ukubashimira, ibyo nababwiye mbere mwarabikoze kandi mwerekanye ko ntawe uzava hano byoroshye.

Umupira narawurebye igice cya mbere, iriya kipe twari kuba twayitsinze ibitego byinshi kuko mwarayirushije cyane turashaka ko bigera no ku munota wa 60 mukiri hajuru, muyotsa igitutu.

Muratanga ikizere ko tuzayisezerera kuko mwamaze kwiremamo ikizere rero ninacyo kigomba kubakomeza mukayisezerera kuko mwarabigaragaje.

Yakomeje ati "Buri mukinnyi uri muri iyi kipe aba ashoboye kuko ntawe ujya kuza hano tutaramukurikiranye, ibyo rero nibyo biba bigomba gutuma duhorana intsinzi, mubigaragaze na hariya mugiye kwerekeza kandi nziko muzabikora tukabakira neza mutahukanye intsinzi.”

Ku rundi ruhande,Chairman w’ikipe ya APR FC, Lt Gen Mubarakh Muganga nawe yashimiye uko ikipe yitwaye mu mukino ubanza ndetse ababwira ko bateye ishema ingabo z’igihugu.

Yasoje agira ati "Tubategerejeho indi ntsinzi muri Tunisia kandi muzabikora kuko murashoboye."

Ikipe ya APR FC irahaguruka mu Rwanda kuri uyu wa kabiri yerekeza muri Tunisia gukina umukino wo kwishyura na US Monastir mu irushanwa rya CAF Champions League