Ikipe ya Gasogi United FC nyuma yo gutandukana n’uwari umutoza wayo Paul Kiwanuka byamenyekanye ko igiye gutozwa n’umugore w’umunyabigwi muri Ruhago Caroline Pizzala wanakiniye ikipe yo mu Bufaransa y’abagore.
Mu mpinduka zikomeye Ikipe ya Gasogi United yakoze mu kwitegura gutangira umwaka w’imikino wa 2023/24, harimo kuzana umutoza wanditse amateka mu mupira w’amaguru nk’umukinnyi nubwo ari mu ntangiriro zo gutangira akazi k’ubutoza nk’uwabigize umwuga.
Uyu mugore wakinaga mu kibuga (…)

Ikipe ya Gasogi United FC nyuma yo gutandukana n’uwari umutoza wayo Paul Kiwanuka byamenyekanye ko igiye gutozwa n’umugore w’umunyabigwi muri Ruhago Caroline Pizzala wanakiniye ikipe yo mu Bufaransa y’abagore.

Mu mpinduka zikomeye Ikipe ya Gasogi United yakoze mu kwitegura gutangira umwaka w’imikino wa 2023/24, harimo kuzana umutoza wanditse amateka mu mupira w’amaguru nk’umukinnyi nubwo ari mu ntangiriro zo gutangira akazi k’ubutoza nk’uwabigize umwuga.

Uyu mugore wakinaga mu kibuga hagati, yasinye muri PSG mu 2007, ndetse aza no kuyifasha gukina irushanwa rya UEFA Champions League ku nshuro ya mbere mu 2010/11.

Mu 2014, yahise ayivamo yerekeza muri Olympique de Marseille yamazemo imyaka itandatu, akayikinira imikino 128 yinjiza ibitego 28, ahita anasezera mu mwaka wa 2020 ndetse yerekeza mu butoza.

Caroline Pizzala w’imyaka 35, wakiniye ikipe y’Igihugu y’u Bufaransa, agiye gutoza iyi kipe yo mu Rwanda yari umutoza wungirije muri Olympique de Marseille WFC.
Gasogi United FC yamaze kugura umunyezamu mushya w’Umunya-Cameroun, Ibrahima Daouda, ndetse iri hafi no gutangaza abandi bakinnyi bashya izakoresha mu mwaka utaha w’imikino.

Kirasa Alain wari Umutoza wungirije muri Police FC, na we aravugwa muri Gasogi United aho yakungiriza Caroline Pizzala.