Ku mugoroba wo kuri uyu wa mbere tariki 10 Nyakanga 2023, nibwo ikipe ikina shampiyona y’icyiciro cya mbere mu Rwanda ,Rayon Sports yatangaje umutoza mushya uzatoza mu mwaka utaha w’imikino wa 2023-2024.
Uyu mutoza w’imyaka 43, yari ategerejwe na benshi nyuma y’aho Rayon Sports itangarije ko itazakomezanya na Haringingo wabahesheje igikombe cy’Amahoro.
Uyu mutoza umenyereye umupira w’Afurika ntabwo akunze gutinda mu ikipe aba arimo kubera impamvu imwe cyangwa iyindi.
Mu 2012, ni bwo (…)

Ku mugoroba wo kuri uyu wa mbere tariki 10 Nyakanga 2023, nibwo ikipe ikina shampiyona y’icyiciro cya mbere mu Rwanda ,Rayon Sports yatangaje umutoza mushya uzatoza mu mwaka utaha w’imikino wa 2023-2024.

Uyu mutoza w’imyaka 43, yari ategerejwe na benshi nyuma y’aho Rayon Sports itangarije ko itazakomezanya na Haringingo wabahesheje igikombe cy’Amahoro.

Uyu mutoza umenyereye umupira w’Afurika ntabwo akunze gutinda mu ikipe aba arimo kubera impamvu imwe cyangwa iyindi.

Mu 2012, ni bwo Yamen Zelfani yatangiye akazi ke ko gutoza, ubwo yahereye mu gihugu cya Saudi Arabia. Yatoje ikipe ya ABHA Club imyaka igera kuri itatu ayivamo mu 2015.

Muri uyu mwaka yahise asinyira ikipe ya FC Nouadhibou yo muri Mauritanie asoreza ku mwanya wa kabiri muri shampiyona y’umwaka w’imikino wa 2015-2016.

Kuva ubwo Yamen yaje kubura akazi, agaruka mu nshingano mu 2018 ubwo yatozaga ikipe ya Al-merrikh yo muri Sudan, ayifasha kwegukama igikombe kiruta ibindi (Super Cup) na shampiyona ya 2018-2019, ahita ayivamo.

Nyuma yaho, uyu mutoza yaje kwerekeza mu ikipe ya DHOFAR FC yo muri Oman ayifasha kwegukana igikombe cya Super Cup, nyuma, ahita ahava nk’ibisanzwe yerekeza mu ikipe ya JS Kabylie yo muri Algeria, yavuyemo muri uwo mwaka, yerekeza mu ikipe ya As Solman y’iwabo muri Tunisia.

Mu mwaka w’imikino 2021-22, Yamen Zelfani yerekeje mu ikipe Al-Kawkab yo mu cyiciro cya kabiri cyo muri Saudi Arabia ayivamo ajya muri AlTalaba yo muri Iraq, ari naho Rayon Sports yamukujye mbere y’uko ayisinyira.

Yamen Zelfani ni umutoza uziho umupira wo muri Afurika, nka kimwe mu byatuma abona akazi mu makipe yo muri Afurika.

Uyu mutoza, ikintu cya mbere abara ni amafaranga dore ko n’iyo yaba yari afite ikipe nziza gute akabona umuntu umuha amafaranga y’umurengera, muhita mutandukana nta gutinda.

Dukoresheje urugero, ni mu mwaka w’imikino 2018-19, ubwo Yamen yari yahesheje igikombe cya shampiyona ikipe ya Al-merrikh ariko DHOFAR FC yo muri Oman imuhaye amafaranga, agenda atareba inyuma.

Uyu mutoza akunda gukina uburyo bya 4:3:3, ba myugariro 4, abo hagati 3, na ba rutahizamu 3

Yameni AZelfani yari asanzwe atoza ikipe yitwa Jiddah ikina shampiyona y’ikiciro cya Kabiri muri Arabia Saudite n’andi makipe menshi yo muri iki gihugu kuva yatangira gutoza nk’uwabigize umwuga muri 2015.