Isoko ry’igura n’igurisha ry’uyu mwaka muri Shampiyona y’u Bwongereza, Premier League, ryaciye agahigo ryo gutangwaho amafaranga menshi, aho yageze kuri miliyari 2.37£.

Aka gahigo kakuyeho akari karashyizweho mu 2023, aho icyo gihe iri soko ryatanzweho agera kuri miliyari 2.36£.

Muri rusange amakipe yashoye menshi ayobowe na Liverpool yatanze asaga miliyoni 300£, Chelsea, Manchester United na Arsenal.

Amakipe atandatu kandi yaciye agahigo ko kugura umukinnyi uhenze mu mateka. Ayo arimo Liverpool yaguze Florian Wirtz miliyoni 116£.

Burnley yaguze Lesley Ugochukwu miliyoni 25£, Sunderland yaguze Habib Diarra kuri miliyoni 26£, Nottingham Forest nayo yaciye agahigo ko gutanga asaga miliyoni 150£.

Aya mafaranga Shampiyona y’u Bwongereza yatanze aruta ay’izindi zose zikomeye i Burayi ziteranyije. Shampiyona ya kabiri yatanze amafaranga menshi ni iy’u Butaliyani, Serie A.

Florian Wirtz werekeje muri Liverpool ni we waguzwe menshi muri iyi mpeshyi muri Premier League

Manchester United yashoye menshi kuri iri soko

Rutahizamu Viktor Gyökeres waguzwe na Arsenal ni umwe mu bahenze