skol
Kigali
Fortebet

Kera kabaye Arsenal yatangaje ku mugaragaro ko yasinyishije Gabriel Jesus [AMAFOTO]

Imyidagaduro   Yanditswe na: Dusingizimana Remy 4 July 2022

Ikipe ya Arsenal yatangaje ko yasinyishije Rutahizamu Gabriel Jesus avuye muri Manchester City ku masezerano yise ay’igihe kirekire nubwo bizwi neza ko ari ay’imyaka 5.

Uyu mukinyi w’imyaka 25 werekeje muri Arsenal,yamaze kwigaragaza nk’umwe muri ba rutahizamu bakomeye muri Premier League muri shampiyona ishize.

Yatsinze ibitego 95 mu mikino 236 yakinnye mu marushanwa yose mu myaka itanu yamaze I Manchester.

Gabriel yegukanye igikombe cya Premier League inshuro enye, Igikombe cya FA, ndetse n’igikombe cya Carabao inshuro eshatu.

N’umukinnyi usanzwe ahamagarwa mu ikipe y’igihugu ya Brazil,amaze kuyikinira imikino 56 ndetse ayitsindira inshuro 19 kuva yatangira kuyikinira kuva muri Nzeri 2016.

Yari umwe mu bagize Brazil yatwaye igikombe cya Copa America muri 2019. Mu mikino mpuzamahanga,Gabriel yatwaye kandi umudari wa zahabu mu mikino Olempike ya Rio 2016, kandi agaragara mu gikombe cy’isi cya 2018.

Gabriel yazamukiye mu ikipe y’abato ya Palmeiras, asinya amasezerano ya mbere mu 2013, atsinda ibitego byinshi byamufashije kwinjira mu ikipe ya mbere, atangira gukinira iyi kipe ku myaka 17 muri Werurwe 2015.

Mu gihe yamaze muri Palmeiras,Gabriel yari umwe mu bagize ikipe yatwaye Campeonato Brasileiro Serie A muri 2016.Uyu yatorewe kuba umukinnyi w’umwaka [Bola de Ouro].

Umuyobozi ushinzwe tekinike muri Arsenal, Edu, yagize ati: “Twishimiye ko twamaze gusinyisha Gabriel. Umuntu wese uzi umupira neza, azi ubuhanga bwa Gabriel Jesus.

"Gabriel ni umukinnyi tumaze igihe kinini dukunda. Afite imyaka 25 akaba n’umukinnyi mpuzamahanga wa Brazil wagaragaje kenshi ko ari umukinnyi wo ku rwego rwo hejuru cyane. Dutegereje kuzamubona yifatanya na bagenzi be bashya mbere y’umwaka w’imikino. Twese twakiriye Gabriel muri Arsenal. ”

Mikel Arteta yongeyeho ati: “Ndanezerewe cyane. Ikipe yakoze akazi gakomeye ko kugura umukinnyi wo kuri uru rwego. Nzi neza Gabriel kandi twese tumuzi neza kuva igihe amaze muri Premier League kandi rwose yaratsinze hariya.

Uyu ni umwanya twari tumaze igihe kinini twifuza kubaka kandi twashoboye kubona umukinnyi twese twifuzaga, ndishimye cyane."

Gabriel azambara nomero 9 kandi azahura na bagenzi be bashya mu myitozo itegura umwaka w’imikino vuba.

Uyu musore w’imyaka 25 yabaye umukinnyi wa 4 umutoza Mikel Arteta yasinyishije muri iyi mpeshyi, nyuma yo kuza k’umukinnyi wo hagati Fabio Vieira, umunyezamu Matt Turner na rutahizamu ukomoka muri Brazil, Marquinhos.

Arsenal yasinyiye Gabriel imukuye muri Manchester City kuri miliyoni 45 z’ama pound.











Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Manchester United yatakaje umwanya wa mbere mu makipe ya Premier League...

Ikipe ya MANCHESTER UNITED ntabwo ikiri iya mbere mu makipe ya Premier...
12 August 2022 0

Paul Were yakoze ku mutima abafana ba Rayon Sports ku munsi wa...

Rutahizamu Paul Were uheruka gusinyira Rayon Sports yakoze imyitozo ya...
12 August 2022 0

Pique yihimuye kuri Shakira akundana n’Umunyeshuri arusha imyaka...

Myugariro Gerard Pique yanze guta igihe mu gahinda ko gutandukana n’uwari...
12 August 2022 0

Imikino y’igikombe cy’isi 2022 yigijwe imbere ho umunsi umwe

Igikombe cyisi kizatangira umunsi umwe mbere ya tariki yari iteganyijwe...
12 August 2022 0

Icyamamare Lewis Hamilton yasuye ingagi mu Rwanda

Lewis Hamilton ukinira Mercedes muri Formula 1, uri kugirira ibihuruko muri...
12 August 2022 0

Rayon Sports yashyize hanze amatike y’umwaka w’imikino arimo ifite agaciro ka...

Rayon Sports yatangaje ko ubu abafana bayo batangira kugura amatike y’umwaka...
11 August 2022 0