Kapiteni wa Kiyovu Sports,Kimenyi Yves yavuze ko umukino bafitanye na Rayon Sports bawiteguye neza ndetse ko bashaka kubona amanota 3 bagakomeza kuyobora shampiyona.
Mu kiganiro yahaye ikinyamakuru ISIMBI dukesha iyi nkuru,Kapiteni wa Kiyovu Sports,Kimenyi Yves, yavuze ko uyu mukino ari umukino biteguye neza kandi batagomba gutakaza.
Ati "Ni umukino twiteguye neza kuko ari umukino ukomeza kudushyira mu rugamba rw’igikombe, ni umukino tutagomba gutsindwa kuko ukuraho amateka ugashyiraho (...)

Sponsored Ad

Kapiteni wa Kiyovu Sports,Kimenyi Yves yavuze ko umukino bafitanye na Rayon Sports bawiteguye neza ndetse ko bashaka kubona amanota 3 bagakomeza kuyobora shampiyona.

Mu kiganiro yahaye ikinyamakuru ISIMBI dukesha iyi nkuru,Kapiteni wa Kiyovu Sports,Kimenyi Yves, yavuze ko uyu mukino ari umukino biteguye neza kandi batagomba gutakaza.

Ati "Ni umukino twiteguye neza kuko ari umukino ukomeza kudushyira mu rugamba rw’igikombe, ni umukino tutagomba gutsindwa kuko ukuraho amateka ugashyiraho andi, tuwiteguye neza mu buryo bushoboka kuko ni amanota 3, nta mpamvu yo kuwuca amazi n’uko wenda haba hajemo akantu k’agapingane ariko imikino yose muri shampiyona ni imwe."

Abajijwe uko yiteguye iyi kipe ya Rayon Sports yakiniye bagatandukana muri 2020,Kimenyi yavuze ko nta buryo budasanzwe yabikoze, ko ahubwo icyo yiteguye ari ugufasha ikipe.

Ati "Si mukino wa mbere ngiye gukina na Rayon Sports ndi muri Kiyovu Sports, ni umukino ngomba gutegura nk’indi, ni umukino ngomba kwitwara neza nk’izindi, nta kintu cyihariye navuga ko nzakora ahubwo ngomba gufasha ikipe yanjye kandi uwo murongo ukaba ari mwiza kandi Imana ikabidufashamo."

Yasabye abakunzi ba Kiyovu Sports gukomeza kubaba hafi, bakabatera ingabo mu bitugu nabo biteguye kubaha ibyishimo.

Ati" Ubutumwa ku bakunzi ba Kiyovu Sports ni uko bagomba kutuba hafi nk’uko bamaze iminsi babikora, mu by’ukuri byaradushimishije, turabishimiye natwe turakomeza kubaha ibyishimo aho bari hose, bakomeze batube hafi ibyiza biri imbere."

Kuva 2016 kugeza 2021 aya makipe amaze guhura 12, Rayon Sports yatsinzemo imikino 7 ihwanye na 58%, Kiyovu Sports itsindamo 3 ihwanye na 25% ni mu gihe banganyijemo 2 ihwanye na 17%.