skol
Kigali

Kwizera Olivier yongeye kwitwara nabi muri Rayon Sports

Imyidagaduro   Yanditswe na: Dusingizimana Remy 23 May 2022

Umutoza wa Rayon Sports Jorge Paixã yatangaje ko umunyezamu Kwizera Olivier yabatabye mu nama kuko atazi aho aherereye kandi shampiyona igikomeje.

Kuva ku mukino wa 1/2 cy’igikombe cy’Amahoro Rayon Sports yasezerewemo na APR FC iyitsinze 2-1, ntabwo uyu munyezamu aragaruka mu myitozo.

Ibi byatumye Rayon Sports igira ikibazo cy’abanyezamu ku mukino yaraye itsinzemo Etincelles FC 3-1 kuko yakinishije Hategekimana Bonheur wari urwaye na Hakizimana Adolphe wari ku ntebe y’abasimbura nk’umurimbo kuko icyari kuba cyose atari kujya mu kibuga kuko na we arwaye bikomeye.

Aganira n’itangazamakuru, umutoza wa Rayon Sports, Jorge Paixão yavuze ko Kwizera Olivier ari umunyezamu mwiza ariko ariko utari umunyamwuga kuko ibikorwa bye atari byiza.Ati “Olivier [Kwizera] sinzi aho ari, iyo urebye kuri Olivier ni ibisanzwe kuri we ntabwo aza mu myitozo buri munsi, Olivier ni umunyezamu mwiza ariko ku kijyanye n’ubunyamwuga ni bibi, ndavuga ibi kuko ntakunda guca ku ruhande, ntabwo ari ibyiza ku bakinnyi bacu, Rayon Sports ni ikipe nziza, agomba kubaha akubaha n’abafana bacu.”

Kwizera Olivier bivugwa ko yaba yarakwepye bitewe n’amafaranga yishyuza iyi kipe imubereyemo itaramuha. Ku mukino wa Etincelles FC, Jorge Paixão yemeje ko iyo Hategekimana Bonheur agira ikibazo cy’imvune rutahizamu Musa Esenu ari we wari kujya mu izamu kuko yaryitoje.

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Basketball: Ikipe y’igihugu y’ u Rwanda yasezerewe nabi kandi yakiriye...

Ikipe y’igihugu y’ u Rwanda mu mukino wa Basketball yasezerewe mu mikino yo...
4 July 2022 0

Igikombe cy’Afurika cy’Ibihugu cyagombaga kuba mu mwaka utaha...

Igikombe cy’Africa cy’ibihugu cyagombaga kuba mu kwezi kwa Kamena umwaka...
3 July 2022 0

Abubakar Lawal wifuzwaga na benshi mu Rwanda yigiriye muri Vipers...

Rutahizamu w’umunya-Nigeria Abubakar Lawal uherutse gusoza amasezerano...
3 July 2022 0

Hamenyekanye amakipe 3 ashaka Cristiano Ronaldo muri iyi mpeshyi

Nyuma yo gusaba Ubuyobozi bwa Manchester United,Cristiano Ronaldo arifuzwa...
3 July 2022 0

Cristiano Ronaldo yasabye Manchester United kumurekura akigendera

Inkuru zikomeje gucicikana ko Cristiano Ronaldo yasabye ikipe ya Manchester...
2 July 2022 0

Basketball: U Rwanda rwatsinzwe na Sudan y’Epfo mu mukino warebwe na...

Ikipe ya Sudani y’Epfo yatsinze u Rwanda amanota 73 kuri 63 mu rugendo rwo...
1 July 2022 0