skol
Kigali

Manchester City yatsinze Real Madrid bigoranye mu mukino wuje ishyaka ku mpande zombie

Imyidagaduro   Yanditswe na: Joseph Iradukunda 27 April 2022

Mu mukino w’ishiraniro warumbutsemo ibitego n’amahirwe menshi atabashije kubyazwa umusaruro, amakipe yombi yerekanye impamvu asigaye muri ane yageze muri ½, ahigitse andi 32 batangiranye amatsinda.


Mu mukino w’ishiraniro warumbutsemo ibitego n’amahirwe menshi atabashije kubyazwa umusaruro, amakipe yombi yerekanye impamvu asigaye muri ane yageze muri ½, ahigitse andi 32 batangiranye amatsinda.

Byaje kurangira Manchester City yo mu Bwongereza yatsinze Real Madrid yo muri Espagne ibitego 4-3, mu mukino ubanza wa ½ cy’Irushanwa rya Champions League rihuza amakipe yitwaye neza ku Mugabane w’u Burayi.

Kevin De Bruyne uri mu bihe byiza niwe wafunguye amazamu ku munota wa kabiri gusa, nyuma y’uko Manchester City yatangiye yatakana imbaraga mu buryo bugaragara.

Ku munota wa 11, Rutahizamu Gabriel Jesus yasonze Real Madrid ayitsinda igitego cya kabiri, abafana barenga ibihumbi 50 bari ku Kibuga cya Etihad Stadium gikoreshwa na Manchester City iyo yakiriye imikino bikoza ibicu.

ku munota wa 33 nibwo Karim Benzema, kapiteni wa Real Madrid unahagaze neza, yaboneye ikipe yatsindaga igitego ku mupira mwiza yahawe na myugariro w’ibumoso, Umufaransa Ferland Mendy.

Mu gice cya kabiri, Foden yaje gutsinda igitego cy’umutwe nyuma y’umupira mwiza yahawe na kapiteni we, Umunya-Brazil Fernandinho.

Mukanya nk’ako guhumbya Real Madrid, binyuze kuri Vinicius Jn. yishyuye igitego cyiza, nyuma y’uko uyu musore w’imyaka 21 gusa yacenze Fernandinho akavana umupira mu kibuga hagati akawinjiza mu rubuga rw’amahina, mbere yo kuwuboneza mu izamu ryari ririnzwe na Ederson.

ku munota wa 74, Bernardo Silva yateye ishoti rikomeye cyane atsinda igitego cya kane, nyuma y’uko ba myugariro ba Real Madrid basaga nk’abarangaye ku kimeze nk’ikosa umusifuzi atatanze.

Real Madrid yakoze iyo bwabaga iza gutsinda igitego cya gatatu cyatsinzwe na Karim Benzema, wujuje ibitego 14 muri iri rushanwa ry’uyu mwaka.

Umukino wo kwishyura utegerejwe ku itariki ya 4 Gicurusi 2022, mu gihe kuri uyu wa 27 Mata, Liverpool iri bwakire Villarreal FC yo muri Espagne ku Kibuga Anflield Road, ukaba ari undi mukino wa 1/2 muri iri rushanwa.

Author : Joseph Iradukunda

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Reba ubwiza bwa Hoteli Real Madrid izacumbikamo mu Bufaransa igihe gukina...

Ikipe ya Real Madrid ntizacumbika i Paris ku mukino wa nyuma wa UEFA...
18 May 2022 0

"Mushimishe abanyarwanda nkuko ingabo zacu zibikora" - Lt Gen Mubarakh...

Ku gicamunsi cyo kuri uyu wa kabiri tariki 17 Gicurasi 2022, umuyobozi wa...
18 May 2022 0

Rwarutabura ufana Rayon Sports yakoze impanuka atabarwa ku isonga n’abafana...

Rwarutabura uzwi cyane nk’umufana Ukomeye wa Rayon Sports yakoze impanuka...
18 May 2022 0

Biniam Girmay wakinnye Tour du Rwanda 2019 yakoze andi mateka atarakorwa...

Umunya Eritrea,Biniam Girmay yakoze amateka yo kuba umukinnyi wa mbere...
17 May 2022 0

Jado Castar yakiriwe byihariye kuri Radio n’abakunzi be bamuhaye akayabo...

Bagirishya Jean de Dieu uzwi nka Jado Castar mu mwuga w’itangazamakuru...
17 May 2022 0

Minisitiri Aurore yashimiye ikipe ya Gisagara VC yitwaye neza muri...

Minisitiri wa Siporo, Hon. Munyangaju Aurore Mimosa yashimiye ikipe...
17 May 2022 0