skol
Kigali

Minisitiri wa Siporo yahaye amagare abakinnyi bazahagararira u Rwanda muri Tour du Rwanda 2022 abatuma intsinzi

Imyidagaduro   Yanditswe na: Dusingizimana Remy 18 February 2022

Minisitiri wa Siporo, Madame Aurore Mimosa Munyangaju yasuye, abakinnyi b’u Rwanda, aho bacumbitse mu karere ka Musanze,abashyikiriza amagare bazakoresha muri Tour du Rwanda izatangira kuya 20 Gashyantare 2022 n’iibendera ry’igihugu

Kuri uyu wa Gatanu tariki ya 18 Gashyantare 2022, abakinnyi bazaserukira igihugu muri Tour du Rwanda 2022 bashyikirijwe amagare agezweho n’Ibendera ry’Igihugu, basabwa kuzatwara iri rushanwa.

Umuyobozi wa Federasiyo y’umukino w’amagare mu Rwanda (FERWACY), Murenzi Abdallah, yagaragaje ko imbogamizi bari bagize mu bihe byahise zose zavuyeho kuri ubu igisigaye akaba ari ukwereka Abanyarwanda icyo bashoboye.

Yagize ati"Ubushize twari twahuye n’imbogamizi za Covid-19, imyitozo n’amarushanwa biba bike ariko ubu zarakemutse twabonye umwanya wo kwitegura dukorera hamwe imyitozo mu gihe gihagije."

"Minisiteri ya Siporo yadufashije kubona amagare agezweho yo mu 2021, ni yo magare agezweho ku isoko ry’Isi afite ikoranabuhanga rihambaye. Aracyari make ariko n’ayo twari dufite twayafashe neza buryo azakomeza gukoreshwa."

Minisitiri wa Siporo, Munyangaju Aurore Mimosa, yavuze ko abakinnyi biteguye neza kuko imbogamizi bagaragaje ubushize zakemuwe.

Yagize ati “Bariteguye neza kuko ibyo basabye byose barabihawe harimo n’amagare meza agezweho no kwitegurira hamwe. Na bo barasabwa gutanga ibyo basabwa. Ntabwo ari ugutwara etape gusa ahubwo ni ugutwara isiganwa. Bizadufasha no kwitegura Shampiyona y’Isi ya 2025.’’

Byukusenge Patrick ukinira Benediction Ignite ugiye kwitabira iri siganwa ku nshuro ya kane yijeje Abanyarwanda ko bazitwara neza kuko ibisabwa byose babihawe.

Muri Tour du Rwanda 2022, u Rwanda ruhagarariwe n’abakinnyi 17 bamaze iminsi 50 bitoza. Bari mu makipe atatu ya Benediction Ignite, Team Rwanda na ProTouch yo muri Afurika y’Epfo.

Iyi Tour du Rwanda igiye kuba ku nshuro ya 14 igomba gutangira ku ya 20 kugeza ku ya 27 Gashyantare 2022.

Inzira za Tour du Rwanda 2022

Agace ka mbere: Tariki ya 20 Gashyantare 2022: Kigali Arena- Kigali Arena (Ibilometero 4,0).

Agace ka kabiri: Tariki ya 21 Gashyantare 2022: Kigali- Rwamagana (Ibilometero 148,3).

Agace ka gatatu: Tariki ya 22 Gashyantare 2022: Kigali- Rubavu (Ibilometero 155,9).

Agace ka kane: Tariki ya 23 Gashyantare 2022: Kigali- Gicumbi (Ibilometero 124,3).

Agace ka gatanu: Tariki ya 24 Gashyantare 2022: Muhanga- Musanze (Ibilometero 124,7 ).

Agace ka gatandatu: Tariki ya 25 Gashyantare 2022: Musanze- Kigali (Ibilometero 152,0).

Agace ka karindwi: Tariki ya 26 Gashyantare 2022: Kigali-Gicumbi-Kigali (Ibilometero 152,6).

Agace ka munani: Tariki ya 27 Gashyantare 2022: Kigali- Kigali (Ibilometero 75,3)



Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Jado Castar yakiriwe byihariye kuri Radio n’abakunzi be bamuhaye akayabo...

Bagirishya Jean de Dieu uzwi nka Jado Castar mu mwuga w’itangazamakuru...
17 May 2022 0

Minisitiri Aurore yashimiye ikipe ya Gisagara VC yitwaye neza muri...

Minisitiri wa Siporo, Hon. Munyangaju Aurore Mimosa yashimiye ikipe...
17 May 2022 0

Umukinnyi wa Newcastle yakukiye iryinyo mu mukino bahuyemo na...

Rutahizamu wa Newcastle United, Callum Wilson yakuriwe iryinyo mu mukino...
17 May 2022 0

Xhaka yibasiye abakinnyi bagenzi be bitwaye nabi Arsenal igatakaza umwanya...

Umukinnyi wo hagati Granit Xhaka yibasiye bagenzi be ba Arsenal nyuma yo...
17 May 2022 0

GISAGARA VC yakoze amateka muri shampiyona ya Afurika y’amakipe

Ikipe ya Gisagara VC yegukanye umwanya wa 3 muri shampiyona ya Afurika...
16 May 2022 0

Umutoza mushya wa United yasubije abamubajije niba azakorana na Cristiano...

Umutoza mushya wa Manchester United,Erik ten Hag yatangaje ko yifuza cyane...
16 May 2022 0