Mugisha Bonheur ukinira Stade Tunisien yo muri Tunisia, yatsinze igitego kimwe muri bibiri byafashije iyi kipe kugera ku mukino wa nyuma w’Igikombe cya Super Cup.

Mu ijoro ryo ku Cyumweru, tariki ya 28 Nyakanga 2025, ni bwo hakinwe umukino wa ½ cya Super Cup muri Tunisia, aho Stade Tunisien yagombaga gukina na US Monastir.

Ni umukino wari ukomeye ku mpande zombi, ariko Mugisha ukina mu kibuga hagati afasha ikipe ye kuwitwaramo neza kuko yatsinze igitego cya mbere ku munota wa 34 kuri penaliti.

Stade Tunisien yakomeje kuyobora umukino, mbere y’uko igice cya mbere kirangira, Khalil Ayari yinjiza igitego cya kabiri muri uyu mukino waberaga kuri Stade Taïeb Mehiri.

Iyi kipe yahise ibona itike y’umukino wa nyuma uzayihuza na Espérance Sportive de Tunis, ku Cyumweru tariki ya 28 Nyakanga 2025.

Stade Tunisien ya Mugisha Bonheur ntabwo iratsinda umukino n’umwe Espérance Sportive de Tunis mu 10 iheruka kuzihuza, dore ko yatsinzwe icyenda ikanganya umwe.

Mugisha Bonheur yakinnye umukino wose wa 1/2 cya Super Cup

Mugisha Bonheur yafashije Stade de Tunisien gutsinda ibitego 2-0