Uwari rutahizamu wa Rayon Sports,Musa Esenu yatangajwe nk’umukinnyi mushya wa BUL FC yo mu cyiciro cya mbere,muri Uganda.

Uyu musore wari umaze imyaka ibiri akinira Rayon Sports ,yasubiye muri iyi kipe yari yavuyemo aza mu Rwanda .

BUL FC kuri ubu niyo iyoboye urutonde rwa shampiyona n’amanota 33.

Amakuru yaherukaga kujya hanze yavugaga ko uyu rutahizamu yamaze kumvikana n’ikipe yo mu cyiciro cya kabiri muri Iraq yitwa Masafi Al-Junoob SC kuyikinira mu mezi 6 ari imbere aho azajya ahembwa ibihumbi 3 by’amadorali.

Ibi byaje guhinduka uyu mukinnyi asubira iwabo.

Imikino yo kwishyura ya 2021-22 yatsindiye Rayon Sports ibitego 7 ni mu gihe umwaka w’imikino wa 2022-23 muri shampiyona yatsinze ibitego 9. Ubu mu gice kibanza cya shampiyona ari afite ibitego 4.