Ikipe ya West Ham United "yamaganye yivuye inyuma" Umufaransa Kurt Zouma uyikinira mu bwugarizi,nyuma ya videwo yamwerekanye atera imigeri n’ibipfunsi injangwe ye.
Iyividewo yerekana uyu mukinyi w’inyuma w’imyaka 27 atera imigeri iyi njangwe iri hasi ayikubita n’amakofe mu maso.
Yasabye imbabazi, ariko ikipe ye ivuga ko uraza kwiga kuri ikibazo cye mu buryo bwihariye.
Mu itangazo yashyize hanze,Zouma yagize ati: "Ndashaka gusaba imbabazi ku byo nakoze. Nta bisobanuro natanga ku myifatire (...)

Sponsored Ad

Ikipe ya West Ham United "yamaganye yivuye inyuma" Umufaransa Kurt Zouma uyikinira mu bwugarizi,nyuma ya videwo yamwerekanye atera imigeri n’ibipfunsi injangwe ye.

Iyividewo yerekana uyu mukinyi w’inyuma w’imyaka 27 atera imigeri iyi njangwe iri hasi ayikubita n’amakofe mu maso.

Yasabye imbabazi, ariko ikipe ye ivuga ko uraza kwiga kuri ikibazo cye mu buryo bwihariye.

Mu itangazo yashyize hanze,Zouma yagize ati: "Ndashaka gusaba imbabazi ku byo nakoze. Nta bisobanuro natanga ku myifatire nagize, kandi birambabaje cyane".

Zirakundwa zigakundwakazwa cyane mu muryango wose, kandi ibi byabaye ni ibintu bitari bikunze kuba, ntibizasubira".

Iyindi videwo yasohowe bwa mbere n’ikinyamakuru The Sun bivugwa ko yafashwe na mwenewabo wa Zouma, Yoan, yerekana uyu mukinnyi atera ibintu iyi njangwe ayirukana.

Ikipe ya Westham yaguze uyu mukinnyi mu mpeshyi ishize imukuye muri Chelsea kuri miliyoni zirenga 40 z’amadorari y’abanyamerika yagize iti: "West Ham United yamaganye yivuye inyuma imyifatire ya Kurt Zouma muri iyi video iri kuzenguruka".

"Twavuganye na Kurt kandi ikibazo tuzagishakira umuti hagati yacu, ariko twashakaga kubamenyesha ko tudashobora kwihanganira na gato ubugome bukorerwa inyamaswa".

Umuvugizi w’ishyirahamwe riharanira uburenganzira bw’inymaswa, Royal Society for the Prevention of Cruelty to Animals, RSPCA, avuga ati: "Iyi videwo irababaje cyane. Gutera imigeri, gukubita inkoni cyangwa amakofe inyamaswa, haba mu kuyihana cyangwa ku yindi mpamvu iyo ari yo yose, ni ibintu bidashobora kwihanganirwa.

"Turashimira cyane abantu batabariza inyamaswa bikekwa ko ziri guhohoterwa kandi turashaka kwemerera abantu ko tuzakomeza kubikurikirana, bibaye ngombwa dukore n’iperereza ku birego batuzaniye ku bijyanye n’imibereho y’inyamaswa".

Nta perereza polisi izakora kuri ibi byakozwe na Zouma.

BBC