skol
Kigali
Fortebet

Neymar Jr yakoze igikorwa kigaragaza ko abanye nabi na Mbappe

Imyidagaduro   Yanditswe na: Dusingizimana Remy 13 July 2022

Neymar arashinjwa n’abafana kwanga gukorana imyitozo na Kylian Mbappe kugira ngo ajye gukorana na Lionel Messi basanzwe ari inshuti magara.

Aba bakinnyi batatu bakomeye, bagarutse muri Paris Saint-Germain mu myitozo yo kwitegura umwaka w’imikino.

PSG yahinduye umutoza n’umuyobozi wa siporo muri iyi mpeshyi, ariko ibibazo bimwe na bimwe byari mu bakinnyi bishobora kugumamo.

Ibyabaye mu myitozo isanzwe byatumye abafana bavuga cyane ku mbuga nkoranyambaga.

Abakinnyi basabwe kwihuza babiri babiri mu myitozo,bagafatana amaboko hanyuma bagakururana mbere yo kwiruka.

Mu mafoto yashyizwe hanze,Mbappe w’imyaka 23, yasaga nk’aho ahagaze iruhande rwa Neymar ubwo iyi myitozo yari itangiye, ariko ntibigeze bafatanya kuko uyu munya Brazil yamwirengagije yisangira Messi bafitanye ubucuti bukomeye.

Icyakora hari abavuga ko uyu Mufaransa yahagaze ategereje umutoza, mu gihe mugenzi we Neymar Jr yahise ajya gukorana na Messi.

Umwe mu bafana yanditse kuri Twitter ati: "Neymar yirengagije Mbappe asanga Messi. Reba neza!"

Abandi ariko, bemeza ko Mbappe yari ategereje umutoza, kandi ko imyitozo yakozwe nkuko byari byateganijwe.

Neymar na Mbappe bagiye kwinjira mu mwaka wabo wa gatandatu bari hamwe i Paris.

Ariko uYU musore w’imyaka 30,bigaragara ko afitanye isano rikomeye cyane n’uyu munyabigwi wa Barcelona, Messi.

Aba bombi bakinanye muri Espagne imyaka ine, mbere y’uko Neymar ahitamo kujye muri PSG.

Amaherezo bongeye guhura mu mezi 12 ashize, ubwo Messi yavaga muri Barca kubera ibibazo by’ubukungu.

Hamwe na Mbappe, aba batatu bakoze ubusatirizi butinyitse i Paris, ariko kugeza ubu ntibaratanga umusaruro bifuzwaho.

Batozwa na Mauricio Pochettino, bashoboye gutwara igikombe cya Ligue 1 gusa mu mwaka w’imikino ushize gusa basezererwa bibabaje na Real Madrid muri 1/16 cy’irangiza cya Champions League.

Hari amakuru amaze iminsi avuga ko kuva Mbappe yasinya amasezerano mashya I Paris atifuje gukorana na Neymar Jr ndetse ngo yifuzaga ko agurishwa.


Neymar Jr yanze gukorana imyitozo na Mbappe yisangira Messi

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

APR FC yikuye mu nzara za Musanze FC bigoranye,Police FC itsindirwa I...

Bigoranye cyane,ikipe ya APR FC yatsinze Musanze FC ibitego 2-1 ibona...
19 August 2022 0

"Muze guperereza neza muzasanga afite status y’ubuhunzi"-KNC avuga ku...

Perezida wa Gasogi United,Kakooza Nkuriza Charles uzwi nka "KNC" yatangaje...
19 August 2022 0

Kiyovu Sports yaguze ba rutahizamu 2 barimo Umurusiya

Ikipe ya Kiyovu Sports yamaze gusinyisha Rutahizamu Ukomoka mu Burusiya...
19 August 2022 0

Casemiro yemerewe kujya gukora ikizamini cy’ubuzima muri Manchester...

Ikinyamakuru Marca cyanditse ko Real Madrid yahaye uburenganzira Casemiro...
19 August 2022 0

Manchester United mu nzira zo kubona kizigenza Casemiro

Ikipe ya Manchester United iri gushaka abakinnyi bashya batanu mbere y’uko...
18 August 2022 0

Haruna Niyonzima yabwiye amagambo yihariye umutoza w’Amavubi wongeye...

Umukinnyi Haruna Niyonzima yashimiye umutoza Carlos Alos wongeye...
18 August 2022 0