skol
fortebet

Nyuma yo kubura Cedric, Rayon Sports amaso yayerekeje Makenzi

Yanditswe: Tuesday 20, Dec 2016

Sponsored Ad

Nyuma y’uko umusore wari umaze iminsi arambagizwa na Rayon Sports, Amiss Cedric yongereye amasezerano mu ikipe yahozemo ya Chibuto FC yo muri Mozambique, amakuru aravuga ko iyi kipe igiye gusinyisha myugariro w’Umurundi Nizigiyimana Kalim Makenzi wakiniraga ikipe Gor Mahia yo muri Kenya.
Mu minsi ishize nibwo amakuru yacicikanye ko ikipe ya Rayon Sports yaba ishaka gusinyisha Umurundi Amiss Cedric, ndetse n’ubuyobozi bw’iyi kipe ya Rayon Sports burabyemeza ko bamukeneye ndetse basaba (...)

Sponsored Ad

Nyuma y’uko umusore wari umaze iminsi arambagizwa na Rayon Sports, Amiss Cedric yongereye amasezerano mu ikipe yahozemo ya Chibuto FC yo muri Mozambique, amakuru aravuga ko iyi kipe igiye gusinyisha myugariro w’Umurundi Nizigiyimana Kalim Makenzi wakiniraga ikipe Gor Mahia yo muri Kenya.

Mu minsi ishize nibwo amakuru yacicikanye ko ikipe ya Rayon Sports yaba ishaka gusinyisha Umurundi Amiss Cedric, ndetse n’ubuyobozi bw’iyi kipe ya Rayon Sports burabyemeza ko bamukeneye ndetse basaba n’abakunzi b’iyi kipe gutanga inkunga ngo bamugure igikorwa cyiswe ’Gura Cedric,’ gusa kuri uyu wa gatandatu tariki ya 18 Ukuboza 2016, nibwo amakuru yamenyekanye ko Amiss Cedric yamaze kongera amasezerano y’imyaka 3, akazageza muri 2020.

Nyuma y’iyi nkuru y’incamugongo ku barayon, amakuru aturuka muri Rayon Sports agera ku Umuryango.rw ni uko ubu noneho amaso bayerekeje kuri myugariro w’Umurundi wakiniraga ikipe ya Gor Mahia yo muri Kenya akaba ari mu Rwanda mu kiruhuko, Nizigiyimana Kalim Makenzi, ariko ngo bakaba bashaka kumuha amasezerano yo gukina imikino ya CAF Confederation Cup, kuko ho nta tegeko ribagonga ry’umubare w’abanyamahanga bagomba gusinyisha, bitandukanye na shampiyona y’u Rwanda aho batagomba kurenza batatu mu gihe Rayon Sports ibafite banarenze kandi beza.

Makenzi n’ubundi akaba yari yaraciye muri iyi kipe ya Rayon Sports guhera muri 2011 kugeza 2015, aho yavuye yerekeza muri Gor Mahia yaragikinira kugeza ubu.

Leave a Reply

Your email address will not be published. Required fields are marked *

Who are you?

Amategeko n'amabwiriza birkurikizwa