Umutoza Ole Gunnar Solskjaer w’ikipe ya Manchester United yatangaje ko iyi kipe igifite amahirwe yo kwegukana igikombe cya shampiyona y’Ubwongereza nubwo irushwa amanota 11 na Manchester City ya mbere.

Ibi yabitangaje mbere y’umukino iyi kipe irahuramo na Bunley kuri iki cyumweru ndetse iwutsinze yagabanya amanota irushwa na mukeba akaba 8.

Solskjaer yizeye ko ikipe ya Manchester City ishobora kwitwara nabi mu mikino 6 isigaye ya shampiyona bagahita bayisiga.

Ati “Twafata City?ibintu bidasanzwe bibaho mu mupira w’amaguru.Abayoboye cyane barasigara.Barakomeye cyane ku buryo utabyizera cyangwa ngo ubibaze.Icy’ingenzi nuko dukora akazi kacu neza kuko nicyo kintu gikuru.

Uyu mutoza uvuga ibi afite ibihamya bifatika kuko mu mwaka wa 1997-98 na 2011-12 ikipe ya United yatakaje ibikombe kuri Arsenal na City nyamara yari izirusha amanota 8.

United yaraye kuri Lowry Hotel yitegura uyu mukino wo kuri iki cyumweru.Abakinnyi barimo Marcus Rashford, Paul Pogba na bagenzi babo bafotowe bageze kuri iyi Hoteli aho baje kwitegura gushaka aya manota 3 y’ingenzi cyane.

Solskjaer yongeyeho ati “Tugomba gutsinda buri mukino usigaye muri shampiyona hanyuma tugategereza ko hari ikiba kuri City.
 
United izahura na Roma muri ½ Europa League,byatumye Solksjaer avuga ati “Uko twavuye mu irushanwa umwaka ushize byaratubabaje cyane.Tumaze gutakaza imikino ya ¼ inshuro 4 ariko uyu mwaka ndabona abakinnyi biyemeje kuharenga.”