Ikipe ya Simba SC yo muri Tanzania yamaze kwerekana rutahizamu w’umunya-Cameroun wakiniraga Rayon Sports, Leandre Essomba Willy Onana.
Uyu mukinnyi wasoje amasezerano ye muri Rayon Sports, hagati mu kwezi gushize kwa Kamena 2023 nibwo yasinyiye iyi kipe ibarizwa mu gace ka Msimbazi mu Mujyi wa Dar es Salaam muri Tanzania amasezerano y’imyaka 2.
Ntabwo yahise yerekanwa, iyi kipe yahisemo kumwerekana uyu munsi ku wa Gatatu tariki ya 5 Nyakanga 2023 ibinyujije ku mbuga nkoranyambaga zayo. (…)

Ikipe ya Simba SC yo muri Tanzania yamaze kwerekana rutahizamu w’umunya-Cameroun wakiniraga Rayon Sports, Leandre Essomba Willy Onana.

Uyu mukinnyi wasoje amasezerano ye muri Rayon Sports, hagati mu kwezi gushize kwa Kamena 2023 nibwo yasinyiye iyi kipe ibarizwa mu gace ka Msimbazi mu Mujyi wa Dar es Salaam muri Tanzania amasezerano y’imyaka 2.

Ntabwo yahise yerekanwa, iyi kipe yahisemo kumwerekana uyu munsi ku wa Gatatu tariki ya 5 Nyakanga 2023 ibinyujije ku mbuga nkoranyambaga zayo.

Leandre Essomba Willy Onana yari amaze imyaka ibiri muri Rayon Sports ariko akaba yarigaragaje cyane ku mwaka we wa nyuma muri iyi kipe yambara ubururu n’umweru.

Mu mwaka we wa nyuma wa 2022-23 yafashije ikipe gusoza ku mwanya wa 3 muri shampiyona ndetse ayihesha itike yo kuzakina imikino Nyafurika ya CAF Confederation Cup begukana igikombe cy’Amahoro batsinze APR FC 1-0 ku mukino wa nyuma.

Uyu mwaka wari nk’amata n’ubuki kuri we kuko ni we wasoje shampiyona ayoboye urutonde rwa ba rutahizamu batsinze ibitego byinshi aho yatsinze 16 atanga imipira 5 yavuyemo ibitego mu mikino 23 yakinnye. Ibi akaba ari na kimwe mu byamufashije kubona ikipe ya Simba SC.