skol
Kigali

Pep Guardiola yibasiye bikomeye Liverpool bahanganiye igikombe cya shampiyona

Imyidagaduro   Yanditswe na: Dusingizimana Remy 9 May 2022

Umutoza Pep Guardiola yavuze ko "abantu bose mu gihugu bashyigikiye Liverpool" nyuma y’uko Manchester City itsinze Newcastle ikarusha uwo bahanganye amanota atatu ku rutonde rwa Premier League.

Ku cyumweru, City yatsinze Newcastle ibitego 5-0 nyuma y’umunsi ukurikira uwo Liverpool yataye amanota ubwo yanganyaga igitego 1-1 na Tottenham.

Ku ruhande, ikipe ya Guardiola yatsinzwe muri kimwe cya kabiri cy’irangiza muri Champions League na Real Madrid gusa Liverpool bahanganye yo yageze ku mukino wanyuma.

Guardiola yabwiye beIN Sports ati: "Abantu bose muri iki gihugu bashyigikiye Liverpool, itangazamakuru ndetse na buri wese."

"Birumvikana kuko Liverpool ifite amateka adasanzwe mu marushanwa yo ku mugabane w’I Burayi. Ntabwo ari muri Premier League, kuko yatwaye igikombe kimwe mu myaka 30, ariko ntabwo ari ikibazo na gato."

Ikipe ya Guardiola irashaka gutwara igikombe cya kane cya Premier League mu myaka itanu, mu gihe ikipe ya Liverpool ya Jurgen Klopp yatwaye iki gikombe muri 2019-20 nyuma y’imyaka 30 icyirukaho.

Guardiola ati: "Liverpool yo na [Manchester] United n’ikipe ziyubashye mu bijyanye n’ibikombe, amateka, udushya muri byinshi cyane".

"Ariko duhagaze neza guhera mu myaka 11 cyangwa 12 ishize. Nzi ko rimwe na tuba tudatekanye, ariko sinitaye ko abantu benshi bashaka ko Liverpool itsinda kuturusha. Ntabwo ari ikibazo."

Yongeyeho ati: "Tugomba kubona amanota icyenda cyangwa wenda atandatu, bizaterwa n’ibizaba mu mikino ibiri iri imbere mu bijyanye nokwinjiza ibitego, ariko ku wa gatatu niwo mukino wa nyuma wa nyawo kuri twe.Ahazaza hacu hari mu maboko yacu kandi ibi ni ingenzi. "

Guardiola yemeje kandi ko ba myugariro be Kyle Walker, Ruben Dias na John Stones batazongera gukina imikino isigaye ya shampiyona kubera imvune.

Dias yasohotse mu kibuga ubwo City yatsindaga Newcastle, mu gihe Stones na Walker bombi basibye umukino kandi Guardiola avuga ko nta rundi ruhare bazagira muri iyi shampiyona y’icyiciro cya mbere.

Ati: "Ruben, Kyle na John bari hanze kugeza shampiyona irangiye".

"Muri ibi bihe, ntabwo ari ikibazo. Niba Rodri agomba gukina kuri uyu mwanya, ntabwo ari ikibazo, cyangwa niba ari umwana wo mu ishuri ryigisha umupira."

Manchester City isigaje gusura Wolves ku wa gatatu, no gusura West Ham ku cyumweru hanyuma umukino wa nyuma wo mu rugo izakina na Aston Villa.

Liverpool isigaje gusura Aston Villa kuri uyu wa Kabiri,isure Southampton kuwa kabiri w’icyumweru gitaha hanyuma isoreze kuri Wolves.

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Rutahizamu Joao Felix aravugwaho gutwarwa umukunzi na mugenzi...

Rutahizamu wa Atletico Madrid,Joao Felix aravugwaho kuba ari mu gahinda...
19 May 2022 0

AS Kigali ishaka kwisubiza igikombe cy’Amahoro yageze ku mukino wa...

AS Kigali ifite igikombe giheruka cy’Amahoro yatwaye muri 2019 itsinze...
18 May 2022 0

"...ubu imikino tuzayakira"-Minisitiri w’Intebe avuga ku gukinira imikino...

Minisitiri w’Intebe, Dr Ngirente Edouard,yagiranye ikiganiro n’abanyamakuru...
18 May 2022 0

Masudi Djuma yarwanye n’umukinnyi we bose bahabwa ibihano bikarishye

Umutoza Masudi Irambona Djuma ufite izina rikomeye mu mupira w’amaguru muri...
18 May 2022 0

Reba ubwiza bwa Hoteli Real Madrid izacumbikamo mu Bufaransa igihe gukina...

Ikipe ya Real Madrid ntizacumbika i Paris ku mukino wa nyuma wa UEFA...
18 May 2022 0

"Mushimishe abanyarwanda nkuko ingabo zacu zibikora" - Lt Gen Mubarakh...

Ku gicamunsi cyo kuri uyu wa kabiri tariki 17 Gicurasi 2022, umuyobozi wa...
18 May 2022 1