skol
Kigali

Perezida wa FERWAFA ntiyishimiye amasezerano abamubanjirije bagiranye na Bralirwa

Imyidagaduro   Yanditswe na: Dusingizimana Remy 30 June 2021

Perezida mushya w’Ishyirahamwe ry’Umupira w’Amaguru mu Rwanda ‘FERWAFA‘, Mugabo Nizeyimana Olivier yavuze ko batishimiye bimwe mu bikubiye mu masezerano bagiranye n’Uruganda rwenga ibinyobwa rwa Bralirwa Plc, ndetse ko bashobora kuyasesa igihe batakumvikana amashya.

Muri Werurwe 2021, nibwo Ishyirahamwe ry’Umupira w’Amaguru mu Rwanda ‘FERWAFA‘ ryasinyanye amasezerano y’ubufatanya na Bralirwa mu gihe cy’imyaka ine iri imbere.

Ni amasezerano akubiyemo amafaranga miliyoni 640 Frw muri iyo myaka, agomba kuzatangwa mu byiciro. Umwaka wa mbere FERWAFA izahabwa miliyoni 180 Frw, uwa kabiri ihabwe miliyoni 160 Frw mu gihe umwaka wa gatatu n’uwa kane iri shyirahamwe rizahabwa miliyoni 150 Frw kuri buri mwaka.

Aya masezerano, ntabwo Mugabo Nizeyimana Olivier watorewe kuyobora FERWAFA, yigeze ayishimira nkuko yabitangaje agitorerwa kuyobora iri shyirahamwe.

Ati “Ntabwo twishimiye ubufanye buhari uyu munsi, gusa no kubikosora hari inzira binyuramo. Maze iminsi nganira na Visi Perezida wa FERWAFA nawe biragaragara ko atishimiye amasezerano bakoze. Ariko no kuyahagarika bigira inzira binyuramo."

Mu gihe Perezida wa FERWAFA avuga ibi, Visi perezida w’iri Shyirahamwe, Habyarimana Marcel Matiku, nawe avuga ko amasezerano iri shyirahamwe ryasinyanye na Bralirwa atababuza kuganira n’abandi bafatanyabikorwa.

Ati “Shampiyona yacu ni Primus National League. Mu by’ukuri twasinyanye nabo amasezarano y’imyaka ine. Amasezerano arimo miliyoni 640 Frw, afite azagenda atangwa kandi amafaranga akagera ku banyamuryango b’icyiciro cya mbere.”

“Ariko no mu masezerano harimo ingingo z’uburyo azarangira. Ntabwo dufungiranye. Igihe tubonye umufatanyabikorwa utanga ibyisumbuyeho, harimo ingingo zivuga ku iseswa ry’aya masezerano k’uburyo rwose tudafungiranye.”

Yakomeje avuga ko kuba bafitanye amasezerano na Bralirwa bitababuza gukorana n’abandi bafatanyabikorwa, ati “Kandi ntabwo kuba dufitanye amasezerano, bivuze ko abandi tutabakira. Mu mbogamizi naganiriyeho na Perezida, dufite imbogamizi zikomeye z’abaterankunga bakiri bake. Bikaba ari nacyo kintu gikomeye tugomba gushyiramo imbaraga.”

Muri uyu mwaka w’imikino, ku bibuga bitandukanye hagiye hagaragara ukutumvikana hagati ya SKOL isanzwe ari umufatanyabikorwa wa Rayon Sports na FERWAFA yakunze kubuza Rayon Sports kugaragaza ibirango by’umufatanyabikorwa wayo.

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Hatangajwe amagambo akomeye Cristiano Ronaldo yabwiye bagenzi be...

Kuwa 3 w’iki cyumweru nibwo United yatunguranye itsinda Atalanta ibitego 3-2...
24 October 2021 0

"Biroroshye gutoza Lukaku kurusha Neymar Jr na Mbappe"-Tuchel

Umutoza wa Chelsea,Thomas Tuchel,yibasiye cyane ikipe ya Paris...
23 October 2021 0

APR FC y’abakinnyi 10 yananiwe kugera mu matsinda ya CAF Champions...

APR FC yari ihagarariwe u Rwanda mu mikino ya CAF Champions League...
23 October 2021 0

FERWAFA yanyomoje ibihuha byari byavuzwe kuri shampiyona y’icyiciro cya...

Inama ya Komite Nyobozi ya FERWAFA yateranye kuri uyu wa gatanu tariki ya...
23 October 2021 0

Mauro Icardi yasabye umugore we ibintu 4 bikomeye kugira ngo bagarukane...

Rutahizamu wa PSG,Mauro Icardi ’yasabye umugore we Wanda Nara ibintu bine...
23 October 2021 0

Cristiano Ronaldo yahishuye igihe azasezerera mu ikipe y’igihugu ya...

Umunyabigwi mu mupira w’amaguru Cristiano Ronaldo yahishuye ko atiteguye...
23 October 2021 0