Umukinnyi Paul Pogba yemeje ko nta gitangaza cyaba kiri kuba yava muri Manchester United mu mpeshyi akerekeza mu ikipe ya PSG y’iwabo mu mujyi.
Ubwo umunyamakuru wa Le Figaro yamubazaga niba ashobora kwerekeza muri Paris Saint-Germain, yasubije ati "Kuki Oya?".
Uyu watwaye igikombe cy’isi giheruka n’Ubufaransa w’imyaka 29, nta masezerano azaba agifitiye Manchester United uyu mwaka w’imikino nurangira.
Kugeza ubu,Pogba ntaremera kongererwa amasezerano kuri Old Trafford, bituma abantu bavuga ko (...)

Sponsored Ad

Umukinnyi Paul Pogba yemeje ko nta gitangaza cyaba kiri kuba yava muri Manchester United mu mpeshyi akerekeza mu ikipe ya PSG y’iwabo mu mujyi.

Ubwo umunyamakuru wa Le Figaro yamubazaga niba ashobora kwerekeza muri Paris Saint-Germain, yasubije ati "Kuki Oya?".

Uyu watwaye igikombe cy’isi giheruka n’Ubufaransa w’imyaka 29, nta masezerano azaba agifitiye Manchester United uyu mwaka w’imikino nurangira.

Kugeza ubu,Pogba ntaremera kongererwa amasezerano kuri Old Trafford, bituma abantu bavuga ko ashobora kugenda mu mpeshyi.

Mu kiganiro n’ikinyamakuru Le Figaro cyo mu Bufaransa, Pogba yavuze ku bihuha biherutse kuvuga ko ashaka kwerekeza muri PSG.

Pogba abajijwe ku byo kwerekeza mu Bufaransa,yagize ati: "Kuki bidashoboka? Buri gihe biba ari byiza gukinana na bagenzi bawe mu ikipe y’igihugu ndetse no mu makipe."

Andi makuru avuga ko Pogba ashobora kwerekeza muri Barcelona iherutse guhabwa amafaranga agera kuri miliyoni 237 z’amapawundi n’urubuga rucuruza imiziki rwa Spotify.

Uyu mukinnyi wo hagati, waguzwe n’amashitani atukura miliyoni 89 z’amapawundi muri 2016, nawe yatangaje ko yifuza "gutwara ibikombe".

United ntabwo iheruka gutwara igikombe kuko iheruka icya Europa League yatsindiye muri 2017, ikintu Pogba yemeje ko "kitamunyuze".

Yongeyeho ati: "Tugomba kuvugisha ukuri, ntabwo nanyuzwe mu myaka 5 ishize..... Uyu mwaka, byarapfuye, nabwo nta kintu tuzatwara.

"Haba ari muri Manchester cyangwa mu yandi makipe, ndashaka gutwara ibikombe."