Rayon Sports yakiriye rutahizamu w’umunya-Guinée Conakry Alsény Camara Agogo w’imyaka 28 uzayifasha mu mikino yo kwishyura ya shampiyona.

Rayon Sports yemeye gutandukana na Youssef Rharb na Eid Mugadam irashaka kwiyubaka kare ngo irebe ko yakwegukana shampiyona.

Mu rukerera rwo kuri uyu wa Kane nibwo uyu rutahizamu yageze I Kanombe aho agiye gukora igerageza.

Agogo yakiniye HUS Agadir muri Morocco ndetse n’ikipe y’igihugu muri CHAN 2016 yabereye mu Rwanda anatsindira Guinea bakina na Tunisia i Nyamirambo banganya 2-2.

Alseny Camara Agogo aheruka mu ikipe ya Guédiawaye FC yo muri Senegal.

Mu kiganiro n’abanyamakuru cyo kuri uyu wa Gatatu,Perezida wa Rayon Sports, Uwayezu Jean Fidèle yahamije ko uyu rutahizamu ukomeye cyane azafasha abahasanzwe mu rugamba rwo guharanira gutwara ibikombe iyi kipe izitabira byose.