Rutahizamu Alsény Camara Agogo yasinye amasezerano y’amezi atandatu mu ikipe ya
Rayon Sports nyuma y’iminsi yari amaze mu igeragezwa.

Uyu mukinnyi agiye gukinira Rayon Sports kugeza uyu mwaka w’imikino urangiye.

Mu rukerera rwo kuri uyu wa Kane tariki ya 23 Ugushyingo 2023 ni bwo Alsény Camara yageze i Kigali aje muri Rayon Sports.

Uyu rutahizamu w’imyaka 28, yakiniye amakipe y’iwabo arimo AS Kaloum na Horoya AC, yari kumwe na Guinea muri CHAN ya 2016.

Yakiniye kandi ASAC Ndiambour, Sacré-Coeur na Guediawaye FC zo muri Sénégal ndetse na Hassania d’Agadir yo muri Maroc.

Abamurebye bavuze ko nubwo adafite umupira mwinshi ku kirenge ariko hari ubuhanga afite bwafasha Rayon Sports.