Ku wa w’iki cyumweru, hateganyijwe umukino uzahuza Rayon Sports na MUKURA VS itamerewe neza kubera ikibazo cy’umwenda iri kwishyuzwa nabi.
Rayon Sports irashaka gufasha Mukura VS gukusanya Miliyoni 46 Frw irimo uwahoze ari umutoza wayo, watsinze urubanza muri FIFA.
Uyu mukino amafaranga yose azavamo azafasha ikipe ya MUKURA VS.
Muri Nzeri 2020 nibwo Mukura yasinyishije Djilali Bahloul wavukiye mu Bufaransa ariko ufite ubwenegihugu bwa Algeria nk’umutoza mukuru, baje gutandukana muri Kanama (...)

Sponsored Ad

Ku wa w’iki cyumweru, hateganyijwe umukino uzahuza Rayon Sports na MUKURA VS itamerewe neza kubera ikibazo cy’umwenda iri kwishyuzwa nabi.

Rayon Sports irashaka gufasha Mukura VS gukusanya Miliyoni 46 Frw irimo uwahoze ari umutoza wayo, watsinze urubanza muri FIFA.

Uyu mukino amafaranga yose azavamo azafasha ikipe ya MUKURA VS.

Muri Nzeri 2020 nibwo Mukura yasinyishije Djilali Bahloul wavukiye mu Bufaransa ariko ufite ubwenegihugu bwa Algeria nk’umutoza mukuru, baje gutandukana muri Kanama 2021 bamwirukanye ariko ntibubahiriza ibyari bikubiye mu masezerano.

Uyu mutoza yahise yitabaza FIFA, muri Mutarama 2022 FIFA yamenyesheje Mukura VS ko itemerewe gusinyisha umukinnyi ngo imwandikishe yaba umunyarwanda cyangwa umunyamahanga itarishyura uyu mutoza ibihumbi 46 by’Amadorali,ni ukuvuga arenga miliyoni 46 z’amafaranga y’u Rwanda,kubera kwica amasezerano bagiranye.

Iyi kipe ivuga ko ifite abakinnyi 14 gusa, iherutse kwandikira FERWAFA iyisaba kuyifasha kwishyura iri deni bakazagenda bishyura ngo kuko yo nta bushobozi ifite.

Mu ibaruwa Perezida wa Mukura VS, Maniraguha Jean Damascene, yandikiye FERWAFA yayisabye kubishyurira hanyuma bakazagenda bayishyura mu byiciro.

Bavuga ko kandi umufatanyabikorwa wa bo mukuru ari we Akarere ka Huye yiyemeje kubafasha kwishyura uyu mwenda ndetse anemera kuba umwishingizi wa Mukura VS.

Iyi baruwa ivuga ko mu gihe FERWAFA itakwemera kubaguriza amafaranga, Mukura VS yavuze ko nta bushobozi ifite bwo gukina mu cyiciro cya mbere kubera umubare mucye w’abakinnyi basigaranye ari bo 14.

Mu gihe byagaragara ko Mukura VS yanze cyangwa yananiwe kwishyura Djilali Bahloul, bishobora kurangira imanuwe mu cyiciro cya kabiri.